खास चेलों 13:2 - Garhwali

² अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

गढवली नयो नियम

² जब उ उपवास मा रै के पिता परमेश्वर की आराधना कना छा, त पवित्र आत्मा ल बोलि, “मि कु बरनबास अर शाऊल तैं वीं सेवा कु अलग कर जै कु मिल ऊं तैं बुलै।”

खास चेलों 13:2 ပူးပေါင်းရင်းမြစ်များ

मत्ती 17:21

[पर खबेस तैं निकळणु खुणि प्रार्थना अर उपवास कि जरुरत होन्दी।]

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 9:38

इलै पुंगड़ा का मालिक बटि बिन्ती कैरा कि उ अपणा पुंगड़ों की लवै करणु खुणि मजदूरों तैं भेजि द्‍यो।”

लूका 10:1

अर यों सब बातों का बाद प्रभु यीशु न और सत्तर लोगु तैं चुणी, अर ऊंतैं दुई-दे कैरिके अपणा अगनै हर वे नगर अर वीं जगा भेजि, जख यीशु जाण चान्दु छौ।

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

खास चेलों 10:19

पतरस अभि तक वे दरसन का बारा मा सुचणु ही छौ, कि तबरि पवित्र आत्मा न वेकू बोलि, “सुण, तीन लोग त्वेतै खुज्याणा छिन।

खास चेलों 10:30

तब कुरनेलियुस न जबाब देई, “आज से ठिक चार दिन पैलि दुफरे तीन बजी का करीब मि घौर मा ये ही बगत पर प्रार्थना कनु छौ, कि तबरि मिन देखि कि एक आदिम चमकिला कपड़ा पैरयूं मेरा समणि खड़ु ह्‍वे गै।

खास चेलों 13:3

अर जब ऊंकी उपवास प्रार्थना खतम ह्‍वे गै, त ऊंन बरनबास अर शाऊल पर हाथ रखी के आसीस देके बिदा कैरी।

खास चेलों 13:4

तब बरनबास अर शाऊल पवित्र आत्मा का द्‍वारा सिलूकिया नगर कू भेजि गैनी अर इख पौंछण का बाद ऊ एक पाणि का जाज मा बैठि के साइप्रस टापू कू चलि गैनी।

खास चेलों 14:26

अर उख बटि ऊ पाणि का जाज मा बैठि के सीरिया मुलक का अन्ताकिया नगर मा ऐ गैनी। अर ये ही नगर का बिस्वासी भै-बैंणो न पौलुस अर बरनबास तैं चुणी के भेजि छौ, अर जै काम तैं वु पूरु कैरिके वापस औणा छा, वे काम खुणि ही ये नगर का लोगु न परमेस्वर की किरपा अर मदद मिलणु खुणि वेसे प्रार्थना कैरी छै।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।

खास चेलों 6:4

मगर हम लोग प्रार्थना करण मा, अर वचन की सेवा का काम तैं पूरु करण मा हरेक बगत लग्यां रौला।”

खास चेलों 8:29

तब पवित्र आत्मा न फिलिप्पुस कू बोलि, “नजदीक जैके रथ का दगड़ा-दगड़ि मा चल।”

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

रोमियों 10:15

अर जब तक पिता परमेस्वर कैतैं ऊंका पास बतौण वळु ही नि भेजलु तब तक लोग वेका बारा मा कनकै सुणी सकदिन? मगर सच्‍चै त या च कि वेन अपणा बारा मा इस्राएली लोगु तैं बतै, जन कि पवित्रशास्‍त्र मा भि लिख्यूं च कि, “कथगा धन्य छिन वु लोग, जु कि शुभ समाचार सुणौन्दिन।”

रोमियों 15:16

अर या किरपा मि पर इलै ह्‍वे, ताकि मि ऊं लोगु का बीच मा काम कैरी सैको जु कि यहूदी जाति का नि छिन। अर ये काम खुणि ही मि यीशु मसीह का सेवक का रुप मा चुणै ग्यों, अर मिन पिता परमेस्वर का शुभ समाचार की शिक्षा तैं लोगु का बीच मा पौछाण को काम कैरी। अर यू सब त इलै ह्‍वे, ताकि जु लोग यहूदी जाति का नि छिन ऊं लोगु तैं पिता परमेस्वर स्वीकार कैरो। अर सब पवित्र आत्मा का द्‍वारा एक भेंट का रुप मा वेतैं चड़ये जा।

1 कुरिन्थि 12:11

अर यू सब काम एक ही पवित्र आत्मा का द्‍वारा होनदिन। अर पिता परमेस्वर कै मनखि तैं क्या बरदान देण चाणु यू सब वु अपणी मनसा का मुताबिक ही करदु।

1 कुरिन्थि 7:5

अर ये हक तैं पूरु करणु खुणि तुम दुईया का दुई एक-दुसरा से अलग नि रा, अगर जु तुम अलग होणा छाँ त प्रार्थना खातिर इन कैरा, पर यां मा भि तुम दुईयों की रजामंदी होण चयेणी। अर वेका बाद फिर से एक ह्‍वे जा, ताकि शैतान तुमरा सबर रखण की वजै से कखि तुमतै भकलै नि द्‍यो।

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

गलातियों 1:15

मगर परमेस्वर न मितैं माँ का पुटगुन्द ही अफ खुणि चुणी के अलग कैरियाली छौ, अर अपणी महान किरपा का द्‍वारा वेन मितैं बुलै। अर वे परमेस्वर तैं या बात अच्छी लगि कि,

इफिसुस 3:7

अर पिता परमेस्वर न अपणा सामर्थ का द्‍वारा मि पर अपणी महान किरपा को काम कैरी, ताकि मि एक सेवक बणि के वेका शुभ समाचार तैं फैलाण को काम कैरुं।

कुलुसी 4:17

अर भै अरखिप्पुस कू बुलयां, कि सेवा को जु काम प्रभु न त्वेमा सौप्युं च वेतैं तू ध्यान से कैरी।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

2 तीमुथियुस 4:11

अर बस लूका भै ही इख सेवा मा मेरा दगड़ा मा च। अर जब तू इख ऐलि त मरकुस भै तैं अफ दगड़ा मा लेके ऐ, किलैकि उ सेवा मा मेरा भौत काम आलु।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

इब्रानी 5:4

अर कुई भि मनखि खुद से महा पुरोहित बणण का आदर-सम्मान तैं नि पै सकदु, बल्किन मा यू त परमेस्वर च जु कि मनखि तैं चुणी के ठैरान्दु, जन वेन पितर हारुन तैं ठैरै छौ।