खास चेलों 13:12 - Garhwali

¹² अर जु कुछ भि उख ह्‍वे, वेतैं देखि के गवर्नर सिरगियुस न प्रभु यीशु पर बिस्वास कैरी, किलैकि उ प्रभु यीशु की शिक्षा तैं सुणी के हैरान ह्‍वे गै छौ।

गढवली नयो नियम

¹² तब राज्यपाल ल जु कुछ हवे छो, देखि के अर प्रभु का उपदेश बट्टी चकित हवे के वेल प्रभु यीशु पर विश्वास कैरी।

खास चेलों 13:12 ပူးပေါင်းရင်းမြစ်များ

मत्ती 27:54

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

लूका 4:22

अर सभ्यों न वेकी तारीफ कैरी, अर जु भलै की बात वेन बुलिनी, ऊंतैं सुणी के सब लोग हकदक ह्‍वे गैनी। अर ऊ बुलण लगि गैनी, “अरे यू त यूसुफ को नौनु च?”

लूका 7:16

अर यू देखि के सब लोग डौऽरी गैनी, अर परमेस्वर की बडै कैरिके बोन्‍न लगि गैनी कि, “हमरा बीच मा परमेस्वर को एक बड़ु रैबर्या ऐ गै, अर परमेस्वर अपणा लोगु की मदद करण खुणि ऐ गै।”

यूहन्ना 7:46

अर मन्दिर का सिपयों न जबाब देई कि, “जन बातों तैं उ मनखि बोन्‍नु छौ, उन्दरि बात त कैन कभि भि नि बुलिनी।”

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

खास चेलों 13:49

तब प्रभु को वचन वे पूरा मुलक मा फैली गै।

खास चेलों 13:7

अर बार-यीशु की जाण-पछ्याण ये नगर का गवर्नर सिरगियुस पौलुस का दगड़ा मा भौत अच्छे से छै। अर यू गवर्नर एक समझदार मनखि छौ, अर ये गवर्नर न बरनबास अर शाऊल तैं बुलै, किलैकि उ परमेस्वर का वचन तैं सुनण चान्दु छौ।

खास चेलों 13:8

पर इलीमास ऊंको विरोध करण लगि गै, ताकि गवर्नर बरनबास अर शाऊल की बातों पर बिस्वास नि कैरो (बार-यीशु को दुसरो नौ इलीमास च)।

खास चेलों 15:35

मगर पौलुस अर बरनबास अन्ताकिया नगर मा ही रुकी गैनी, अर उख ऊंन भौत सा लोगु तैं प्रभु को वचन सिखै, अर शुभ समाचार को परचार कैरी।

खास चेलों 15:36

अर कुछ दिनों का बाद पौलुस न बरनबास कू बोलि, “बरनबास भै, इन करद्‍यां कि जौं-जौं नगरों मा हमुन प्रभु को वचन सुणै, उख जैके बिस्वासी भै-बैंणो बटि मिलद्‍यां अर दिखद्‍यां कि ऊंका हाल समाचार कन छिन।”

खास चेलों 18:12

अर जौं दिनों मा अखया मुलक को गवर्नर गल्‍लियो छौ, ये बगत यहूदी लोग एक मन ह्‍वेके पौलुस का खिलाप मा खड़ा ह्‍वे गैनी, अर वेतैं पकड़ी के न्याय आसन का समणि लि गैनी।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

खास चेलों 19:20

अर इन कैरिके परमेस्वर को वचन और भि जादा तेजी से फैलणु रै, अर मजबूत होणु रै।

खास चेलों 19:38

अर अगर जु देमेत्रियुस अर वेका कारीगरों तैं यों मनखियों का खिलाप मा कुई सिकैत करण होलि, त अदालत खुलिं छिन अर ऊंमा जज भि छिन, वु जा अर जैके एक-दुसरा पर दोष लगा।

खास चेलों 19:7

अर यू सब लगभग बारह लोग छा।

खास चेलों 28:7

अर ईं जगा का नजदीक ही ये टापू का परधान पुबलियुस की जमीन छै। अर येन अपणा घौर लि जैके हमरु स्वागत कैरी, अर तीन दिनों तक हमरि खूब अच्छे से खातिरदारि कैरी।

खास चेलों 6:10

पर यू लोग वेका ज्ञान की बातों को जबाब नि दे सकिनी, किलैकि स्तिफनुस पवित्र आत्मा की सामर्थ मा ह्‍वेके बोन्‍नु छौ।

खास चेलों 8:25

अर जब पतरस अर यूहन्‍ना न सामरिया मुलक का ये क्षेत्र मा गवै सुनौण को अर परचार करण को काम पूरु कैरी दिनी, तब ऊ उख बटि यरूशलेम नगर कू वापिस जाण लगि गैनी। अर सफर मा वापिस जान्द दौं सामरिया मुलक का जथगा भि और गौं ऐनी, उख-उख ऊंन प्रभु को शुभ समाचार सुणै।