खास चेलों 12:9 - Garhwali

⁹ अर पतरस वेका पिछनै-पिछनै जेलखाना बटि भैर ऐ गै, मगर वेतैं इन पता नि चलि कि वेका दगड़ा जु कुछ भि स्वर्गदूत का द्‍वारा किये जाणु च वु सब कुछ सच्‍च च, बल्किन मा पतरस इन समझणु छौ कि उ अभि भि दरसन ही दिखणु च।

गढवली नयो नियम

⁹ जब पतरस वेका पिछनै-पिछनै भैर निकली त, तब वे तैं समझ मा नि ऐ, कि जु कुछ स्वर्गदूत द्वारा किये जांणु छो यु सभि कुछ हकीकत च या सुपिन्यो।

खास चेलों 12:9 ပူးပေါင်းရင်းမြစ်များ

यूहन्ना 2:5

पर वेकी माँ न नौकरों कू बोलि, “जु कुछ भि उ तुमकु बोललु, उन्‍नि कर्यां।”

खास चेलों 10:17

अर पतरस न दरसन मा जु कुछ देखि छौ, वीं बात तैं लेके उळझण मा पोड़ि गै, कि ईं बात को मतलब क्या ह्‍वे सकदु। अर सुणा, जौं लोगु तैं कुरनेलियुस न भेजि छौ ऊ लोग शमौन चमड़ा वळा का घौर को पता लगौन्द-लगौन्द वेका द्‍वार तक पौंछी गैनी।

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 11:5

“जब मि याफा नगर मा प्रार्थना कनु छौ, त मितैं भूक लगणि छै। अर मि अपणी सुद-बुद मा नि छौ, अर मिन एक दरसन देखि की एक बड़ा चदरा का जन कुई चीज मेरा पास मूड़ी औणी च, अर वीं चीज तैं चौतरफि बटि पकड़ी के धरती पर लये जाणु च।

खास चेलों 12:8

अर वेन वेकू इन भि बोलि, “सुण, अपणी कमर बान्ध अर अपणा जुता पैर।” अर पतरस न उन्‍नि कैरी, फिर स्वर्गदूत न वेकू इन भि बोलि, “अपणा कपड़ा पैरि के मेरा पिछनै अऽ।”

खास चेलों 26:19

“महाराज, इलै जु दरसन मितैं स्वर्ग बटि मिली मिन वेतैं नि टाळि।

खास चेलों 9:10

अर दमिश्क नगर मा हनन्याह नौ को एक बिस्वासी रौन्दु छौ। प्रभु न वेतैं एक दरसन देके बोलि, “हे हनन्याह,” अर वेन बोलि, “हाँ प्रभु।”

इब्रानी 11:8

अर बिस्वास का द्‍वारा ही पितर अब्राहम तैं जब परमेस्वर का द्‍वारा बुलये गै, त वु आज्ञा माणी के वीं जगा कू निकळि, जिं जगा को वु हकदार होण वळु छौ। हालांकि वु नि जणदु छौ कि वु कख जाणु मगर फिर भि वु चलि गै।