खास चेलों 12:7 - Garhwali

⁷ तबरि वीं कुठड़ी मा एक स्वर्गदूत उख खड़ु ह्‍वे, अर एक बड़ु उज्याळु चमकी। अर ये स्वर्गदूत न पतरस पर हाथ लगै के वेतैं निन्द बटि बिंजाळी। तब स्वर्गदूत न वेकू बोलि, “पतरस उठ, चल जल्दी कैर।” अर संगुळा वेका हाथों बटि अफि खुलि के भ्वीं पोड़ि गैनी।

गढवली नयो नियम

⁷ तब अचानक प्रभु को एक स्वर्गदूत पतरस का संमणी उख ऐ, अर वे कोठरी मा उज्यालो हवे गै; फिर स्वर्गदूत ल पतरस तैं निंद मा हिलै के उठै अर बोलि, “जल्दी उठ।” अर जन ही पतरस निंद बट्टी जागि, अर वेकी हथों की जंजीर खुली के धरती पर लमडी गै।

खास चेलों 12:7 ပူးပေါင်းရင်းမြစ်များ

मत्ती 2:13

अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

लूका 2:9

तबरि प्रभु को एक स्वर्गदूत ऊंतैं दिखै, अर प्रभु को तेज ऊंका चौतरफि चमकण लगि गै। तब ऊ भौत जादा डौऽरी गैनी।

लूका 24:4

अर यू देखि के वु बड़ी उळझण मा पोड़ि गैनी, कि तबरि दुई मनखि ऊंका समणि ऐके खड़ा ह्‍वे गैनी, अर ऊंका चमकिला कपड़ा पैरयां छा।

खास चेलों 10:30

तब कुरनेलियुस न जबाब देई, “आज से ठिक चार दिन पैलि दुफरे तीन बजी का करीब मि घौर मा ये ही बगत पर प्रार्थना कनु छौ, कि तबरि मिन देखि कि एक आदिम चमकिला कपड़ा पैरयूं मेरा समणि खड़ु ह्‍वे गै।

खास चेलों 12:23

अर देखा, प्रभु को एक स्वर्गदूत तुरन्त ऐ, अर वे पर एक बिमारि डाल दिनी, अर वेका सरील पर कीड़ा पोड़ि गैनी ज्यां की वजै से वेकी मौत ह्‍वे गै। अर यू सब त इलै ह्‍वे किलैकि राजा हेरोदेस अग्रिप्पा न परमेस्वर तैं तारीफ देण की वजै लोगु बटि खुद की तारीफ करवै।

खास चेलों 12:6

अर जब राजा हेरोदेस अग्रिप्पा पतरस तैं आम लोगु का समणि लाण वळु छौ वीं ही रात पतरस दुई सिपै का बीच मा सिणु छौ अर वेतैं दुई संगुळोन बन्धयूं छौ। अर पैरेदार जेलखाना का द्‍वार पर पैरा दिणा छा।

खास चेलों 12:8

अर वेन वेकू इन भि बोलि, “सुण, अपणी कमर बान्ध अर अपणा जुता पैर।” अर पतरस न उन्‍नि कैरी, फिर स्वर्गदूत न वेकू इन भि बोलि, “अपणा कपड़ा पैरि के मेरा पिछनै अऽ।”

खास चेलों 16:26

कि तबरि अचानक से एक बड़ु भ्वींचळु ऐ, जैकी वजै से जेलखाने की बुनियाद हिली गै, अर जेलखाना का सब द्‍वार खुलि गैनी, इख तक कि सब कैदियों का संगुळा भि खुलि गैनी।

खास चेलों 2:24

पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

खास चेलों 5:19

पर राति का बगत प्रभु का एक स्वर्गदूत न जेलखाना का द्‍वार खोली के ऊंतैं भैर लि गै। अर ऊंकू बोलि कि,

खास चेलों 9:3

अर जब शाऊल ये सफर तैं करद-करद दमिश्क नगर का नजदीक पौंछी, त अचानक आसमान बटि एक उज्याळु वेका चौतरफि चमकण लगि गै।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

दिब्य दरस 18:1

अर येका बाद मिन स्वर्ग बटि एक और स्वर्गदूत तैं उतरद देखि जैका पास एक बड़ु अधिकार छौ। अर वेकी चमक से धरती पर उज्याळु ह्‍वे गै।