खास चेलों 12:5 - Garhwali

⁵ मगर बिस्वासी समुदाय का लोग पतरस खुणि परमेस्वर बटि मन लगै प्रार्थना कना छा।

गढवली नयो नियम

⁵ जेल मा पतरस तैं बन्द रखै गै, पर विश्वासी लुखुं की मण्डलि पतरस कु ध्यान लगै के पिता परमेश्वर बट्टी प्रार्थना कनी छै।

खास चेलों 12:5 ပူးပေါင်းရင်းမြစ်များ

मत्ती 18:19

मि तुम बटि फिर से सच्‍च बोन्‍नु छौं, अगर तुम मा बटि दुई लोग ईं धरती पर कैं चीज खुणि एक मन ह्‍वेके मंगला, त स्वर्ग मा मेरा पिता की तरफा बटि तुम खुणि उन्‍नि किये जालु।

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

खास चेलों 12:12

अर सब कुछ बिंगण का बाद उ मरियम का घौर चलि गै। अर या मरियम यूहन्‍ना की माँ छै। अर यू यूहन्‍ना वु च जैकू मरकुस भि बुले जान्दु। अर वींका घौर मा भौत सरा लोग जमा ह्‍वेके प्रार्थना कना छा।

खास चेलों 12:4

अर राजा हेरोदेस अग्रिप्पा न पतरस तैं पकड़वै के जेलखाना मा बन्द करवै दिनी। अर वेकी निगराणी करणु खुणि सोला पैरादारों तैं ठैरै, जु कि चार दलो मा बंटयां छा। अर वेकी इन इच्छा छै कि उ पतरस तैं त्योवार का दिनों का बाद लोगु का समणि पेस कैरो, इलै वेन पतरस तैं जेलखाना मा ही बन्द रखी।

खास चेलों 12:6

अर जब राजा हेरोदेस अग्रिप्पा पतरस तैं आम लोगु का समणि लाण वळु छौ वीं ही रात पतरस दुई सिपै का बीच मा सिणु छौ अर वेतैं दुई संगुळोन बन्धयूं छौ। अर पैरेदार जेलखाना का द्‍वार पर पैरा दिणा छा।

1 कुरिन्थि 12:26

अर जब सरील को एक अंग तैं दुख मिलदु, त हमरा पूरा सरील तैं तकलीफ होन्दी। ठिक उन्‍नि अगर एक तैं इज्‍जत मिलदी, त सरील का दुसरा अंग वेका दगड़ा-दगड़ि खुश होनदिन।

2 कुरिन्थि 1:11

अर हम तुम पर भि भरोसा करद्‍यां, किलैकि तुम लोग हम खुणि प्रार्थना करद्‍यां, किलैकि पिता परमेस्वर प्रार्थनाओं को जबाब देन्दु अर हमतै संकट से बचौन्दु। तब भौत सा लोग हमरा खातिर परमेस्वर को धन्यवाद द्‍याला।

1 थिस्सलुनीकी 5:17

अर लगातार प्रार्थना कना रा।

इब्रानी 13:3

अर जु बिस्वासी लोग कैद मा छिन ऊंकी मदद कैरा, इन सोचा कि तुम भि ऊंका दगड़ा कैद मा छाँ। अर जौं बिस्वासी लोगु का दगड़ा मा बुरु बरतौ होणु च, ऊंतैं याद रखा अर इन मैसूस कैरा, जन कि तुम खुद ऊंका दगड़ा मा दुख झिलणा छाँ।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।