खास चेलों 12:3 - Garhwali

³ अर जब वेतैं पता चलि, कि ईं बात से यहूदी लोग भौत खुश होणा छिन, त वेन पतरस तैं भि पकड़वै दिनी। अर यू सब अखमीरी रुट्‍टी का त्योवार का दिनों मा ह्‍वे।

गढवली नयो नियम

³ अर जब वेल देखि कि यहूदी यु देखि के खुश हूंदींनि, तब वेल पतरस तैं पकड़ी दींनि; वे दिन अखमीरी रुठी को त्यौहार छो।

खास चेलों 12:3 ပူးပေါင်းရင်းမြစ်များ

मत्ती 26:17

अर अखमीरी रुट्‍टी का त्योवार का पैला दिन चेलों न यीशु का पास ऐके पूछी, “गुरुजी, तुम कख चन्द्‍यां कि हम तुम खुणि फसह को खाणुक खाण की तयारी कैरा?”

यूहन्ना 12:43

किलैकि ऊंतैं परमेस्वर की तरफा बटि मिलण वळु आदर-सम्मान से भि जादा मनखियों की तरफा बटि मिलण वळु आदर-सम्मान जादा खूब लगदु छौ।

यूहन्ना 19:11

तब यीशु न जबाब देई, “अगर तुमतै परमेस्वर की तरफा बटि यू अधिकार नि दिये जान्दु, त तुमरो मि पर कुई भि अधिकार नि होन्दु। इलै जैन मितैं तुमरा सुपुर्द कैरी, वेको पाप और भि जादा बड़ु च।”

यूहन्ना 21:18

अर मि त्वे बटि सच्‍चि ही बोन्‍नु छौं, जब तू ज्वान छे, त तू खुद तयार ह्‍वेके जख चान्दी छे, उख जान्दी छे। पर जब तू बुढ्या ह्‍वे जैली त तू अपणा हाथ फैलैली, अर कुई दुसरो त्वेतै तयार करलु अर जख तू नि जाण चैलि, उख उ त्वेतै लि जालु।”

खास चेलों 12:4

अर राजा हेरोदेस अग्रिप्पा न पतरस तैं पकड़वै के जेलखाना मा बन्द करवै दिनी। अर वेकी निगराणी करणु खुणि सोला पैरादारों तैं ठैरै, जु कि चार दलो मा बंटयां छा। अर वेकी इन इच्छा छै कि उ पतरस तैं त्योवार का दिनों का बाद लोगु का समणि पेस कैरो, इलै वेन पतरस तैं जेलखाना मा ही बन्द रखी।

खास चेलों 2:14

तब पतरस ऊं ग्यारा चेलों का दगड़ा मा खड़ु ह्‍वे अर ऊँची आवाज मा ऊं लोगु कू बोन्‍न लगि गै कि, “हे यहूदियों अर यरूशलेम मा रौण वळा सब लोगु, कन्दूड़ खोली के मेरी बात तैं सुणा अर तुम यू जाणि ल्या कि,

खास चेलों 20:6

अर अखमीरी रुट्‍टी का त्योवार का बाद हम फिलिप्पी नगर बटि पाणि का जाज मा बैठि के पांच दिनों का बाद त्रोआस नगर मा पौंछयां, अर सात दिनों तक उखि रयां।

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

खास चेलों 25:9

पर गवर्नर फेस्तुस न यहूदियों तैं खुश करण की मनसा रखी के बोलि, “तू क्या चाणि छैई, कि यरूशलेम नगर जैके यों सब बातों को न्याय फिर से मेरा समणि उखि किये जौ?”

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

1 थिस्सलुनीकी 2:4

मगर पिता परमेस्वर न हमतै ये लैख समझि कि ये शुभ समाचार की सेवा हमरा द्‍वारा किये जौ, अर उई शुभ समाचार हम लोगु तैं सुणौन्द्‍यां। अर यू काम हम मनखि तैं खुश करणु खुणि ना, बल्किन मा परमेस्वर तैं खुश करणु खुणि करद्‍यां जु की हमरा मनों का विचारों तैं परखदु।