खास चेलों 11:26 - Garhwali26 अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै। အခန်းကိုကြည့်ပါ။गढवली नयो नियम26 अर जब उ वे तैं उख मिलिनि त वे तैं अफ दगड़ी अन्ताकिया शहर ले एनि। अर इन हवे कि शाऊल अर बरनबास अन्ताकिया शहर मा एक साल तक प्रभु यीशु का बारा मा मण्डलि का लुखुं तैं सिखाैंदी रैनी। तब पैली बार अन्ताकिया शहर मा चेला “मसीही” कहलै गैनी। အခန်းကိုကြည့်ပါ။ |
खास चेलों 11:26
34 ပူးပေါင်းရင်းမြစ်များ
अर कुछ दिनों का बाद इन ह्वे कि, पतरस लगभग एक सौ बीस बिस्वासी लोगु का बीच मा खड़ु ह्वेके बोन्न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्वे गै छौ। मगर पवित्र आत्मा न येका बारा मा पैलि ही राजा दाऊद का द्वारा भविष्यबाणी करवै छै, अर यू जरुरी छौ कि पवित्रशास्त्र की या बात पूरि हो।
अर अप्पुलोस की मनसा छै कि वु समुन्दर का दुसरा छाला अखया मुलक मा जौ। इलै बिस्वासी भै-बैंणो न वेको हौसला बढै, अर अखया का बिस्वासी भै-बैंणो कू चिठ्ठी लिखी के बतै कि वेको स्वागत बड़ा प्यार से किये जौ। अर जब अप्पुलोस इख पौंछी, त इख पौंछण पर अखया का जौं लोगु न प्रभु की बड़ी किरपा की वजै से बिस्वास कैरी छौ, वेन ऊं बिस्वासी लोगु की भौत मदद कैरी।
मगर ऊं मदि कुछ लोग जादा ढीट ह्वे गैनी, अर ऊंन वे रैबार तैं मनण से इनकार कैर दिनी, अर सब लोगु का समणि प्रभु का बाटा का बारा मा अनाप-सनाप बोन्न लगि गैनी। इलै पौलुस प्रार्थना भवन तैं छोड़ि के चलि गै, अर बिस्वासी लोगु तैं अफ दगड़ा मा लि गै। अर तुरन्नस मनखि की पाठसाला मा पौलुस हरेक दिन बिस्वासी लोगु का दगड़ा मा बात-चित कनु रै।
इलै सुणा, मि तुमरा पास तीमुथियुस भै तैं भेजणु छौं। अर उ मेरा नौना का जन च, जै से मि भौत प्यार करदु अर उ प्रभु का काम खुणि भरोसा का लैख मनखि च। जब उ उख पौंछुलु त उ तुमतै याद दिलौलु, कि यीशु मसीह का पिछनै चलण मा मेरु चाल-चलन कन च। अर जब मि कै बिस्वासी समुदाय मा जान्दु, त उखा लोगु तैं मि कै तरिकळ सिखौन्दु।
हे मेरा भै-बैंणो, यीशु मसीह न तुमरो अभिषेक पवित्र आत्मा का द्वारा कर्युं च। अर जब तक वेको पवित्र आत्मा तुम मा बणु रौन्दु, तब तक तुमतै सिखौणु खुणि कै की जरुरत नि च, किलैकि पवित्र आत्मा को अभिषेक तुमतै हरेक चीज का बारा मा सिखौन्दु, कि कु जि बात सच्चि छिन अर कु झूठ्ठी। इलै पवित्र आत्मा की शिक्षा तैं स्वीकार कैरिके वेको पालन कैरा, अर यीशु मसीह की संगत मा बणयां रा।
ကြော်ငြာတွေ