खास चेलों 11:22 - Garhwali

²² अर जब यरूशलेम नगर का बिस्वासी लोगु न यों लोगु की चर्चा सुणी, तब ऊंन बरनबास भै तैं अन्ताकिया नगर मा भेजि।

गढवली नयो नियम

²² जब ऊंका बारा मा यरूशलेम शहर का विश्वासियों की मण्डलि ल सूंणि, तब ऊंल बरनबास तैं अन्ताकिया शहर मा भेजि।

खास चेलों 11:22 ပူးပေါင်းရင်းမြစ်များ

खास चेलों 11:1

अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली।

खास चेलों 11:19

अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्‍वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

खास चेलों 11:27

अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी।

खास चेलों 15:2

तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 18:22

अर कैसरिया नगर मा पौंछी, अर उख बटि ह्‍वेके उ यरूशलेम नगर कू गै। अर बिस्वासी समुदाय का लोगु को हाल समाचार पूछी के उख बटि अन्ताकिया नगर कू चलि गै।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 8:14

अर जु खास चेला यरूशलेम नगर मा रौणा छा, जब ऊंतैं ईं बात का बारा मा पता चलि कि सामरिया मुलक का लोगु न भि परमेस्वर का वचन तैं स्वीकार कैरियाली, तब ऊंन पतरस अर यूहन्‍ना तैं ऊंका पास भेजि।

खास चेलों 9:27

तब बरनबास वेतैं खास चेलों का पास लेके गै। अर वेन खास चेलों तैं समझै अर ऊंतैं बतै की शाऊल न प्रभु तैं बाटा मा कनकै देखि, अर प्रभु न वे बटि बाटा मा कनकै बात कैरी, अर वेन ऊंतैं या बात भि बतै कि येन कनकै बिन डऽरयां दमिश्क नगर मा यीशु नौ को परचार कैरी।

गलातियों 2:11

अर जब पतरस भै अन्ताकिया नगर मा अयूं छौ, त मिन वेतैं सब लोगु का समणि वेको विरोध कैरी, किलैकि वे बगत जु वेन कैरी वु गळत छौ।

1 थिस्सलुनीकी 3:6

मगर तीमुथियुस अभि तुमरा इख बटि ऐ, अर वेन तुमरा बिस्वास अर प्यार का बारा मा हमतै बतै के एक अच्छी खबर सुणै। अर वेन हमतै इन भि बतै, कि तुम लोग हमतै हमेसा बड़ा प्यार से याद करद्‍यां। अर जन हम तुमतै मिलणु कू तड़पद्‍यां, तन्‍नि तुम भि हम बटि मिलणु कू तड़पद्‍यां।