खास चेलों 11:1 - Garhwali

¹ अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली।

गढवली नयो नियम

¹ फिर प्रेरितों ल अर विश्वासी भयों ल जु यहूदिया प्रान्त मा छा, ऊंल सूंणि कि अन्यजातियों ल पिता परमेश्वर का वचन तैं मनणु लगि गैनी।

खास चेलों 11:1 ပူးပေါင်းရင်းမြစ်များ

मत्ती 2:1

यहूदिया मुलक को राजा हेरोदेस अन्तिपास छौ। अर ऊं दिनों मा ही यीशु को जनम यहूदिया मुलक का बैतलहम गौं मा ह्‍वे, तब पूरब दिसा का देसों बटि कुछ जोतिस यरूशलेम नगर मा ऐनी।

मत्ती 8:11

अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

मरकुस 16:5

अर जब वु कबर का भितर गैनी, त ऊंन देखि कि एक ज्वान सफेद कपड़ा पैरयूं दैंणी तरफा बैठयूं च, अर वेतैं देखि के वु भौचक ह्‍वे गैनी।

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

खास चेलों 11:29

अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्‍वे सकलु, उ उथगा दे सकदु च।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 15:3

तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

खास चेलों 28:15

अर जब रोम नगर का बिस्वासी भै-बैंणो तैं हमरा औण का बारा मा पता चलि, त ऊ हमतै मिलणु खुणि अप्पियुस का बजार तक, इख तक कि कुछ लोग तीन धर्मशाळाओं नौ का नगर तक ऐनी। अर यों लोगु तैं देखि के पौलुस भै की हिम्मत बढी, अर वेन परमेस्वर को धन्यवाद दिनी।