खास चेलों 10:4 - Garhwali

⁴ अर वेन स्वर्गदूत की तरफा ध्यान से देखि अर डौऽरी गै अर बोलि, “यू क्या च श्रीमान,” स्वर्गदूत न वेकू बोलि, “परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

गढवली नयो नियम

⁴ कुरनेलियुस ल स्वर्गदूत तैं ध्यान से देखि अर डौरी के बोलि, “हे प्रभु, क्य बात च?” स्वर्गदूत ल बोलि, “पिता परमेश्वर ल तेरी प्रार्थना सूंणेली, अर दान दींण से उ खुश च।

खास चेलों 10:4 ပူးပေါင်းရင်းမြစ်များ

मत्ती 26:13

अर मि तुम बटि सच्‍च बोन्‍नु छौं, कि पूरि दुनियां मा जख-जख ये शुभ समाचार को परचार किये जालु, उख-उख ईं जनानि तैं याद करणु खुणि ईं का ये काम का बारा मा बतये जालु, जु आज ईं न कैरी।”

लूका 1:29

पर ये वचन तैं सुणी के मरियम भौत जादा घबरै गै, अर सुचण लगि गै, कि ये रैबार को क्या मतलब ह्‍वे सकदु च?

लूका 24:5

अर ऊंतैं देखि के जनानियों न अपणु मुख मूड़ी झुकै दिनी, किलैकि वु डौऽरी गै छा। तब ऊं दुई मनखियों न ऊंकू बोलि, “तुम लोग ज्यून्दा मनखि तैं मुरयां लोगु मा किलै खुज्याणा छाँ?

खास चेलों 10:31

अर वेन मिकू बोलि, ‘हे कुरनेलियुस, परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

खास चेलों 14:9

अर ये मनखि न पौलुस का उपदेस की बातों तैं सुणी। अर पौलुस न वे मनखि जनै टक लगै के देखि, अर वेतैं पता चलि गै, कि ये मनखि तैं बिस्वास च, कि मि ठिक ह्‍वे सकदु छौं।

खास चेलों 22:10

“तब मिन बोलि, ‘हे प्रभु अब मि क्या कैरुं?’ प्रभु न मिकू बोलि, ‘खड़ु हो अर दमिश्क नगर कू जा, अर जु काम तेरा करणु खुणि रख्युं च, वु सब त्वेतै उखि बतये जालु।’

खास चेलों 3:4

पतरस अर यूहन्‍ना न वेकी तरफा ध्यान से देखि अर बोलि, “हम जनै देख।”

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

इब्रानी 13:16

अर भलै करण अर दुसरो की मदद करण नि बिसरा, किलैकि यू भि एक बलिदान का जन च, ज्यां से कि परमेस्वर खुश होन्दु।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

दिब्य दरस 8:4

अर फिर पिता परमेस्वर का सब पवित्र लोगु की प्रार्थना धूबत्ती का धुंवा मा मिली के एक स्वर्गदूत का हाथोंळ परमेस्वर का पास पौंछिनी।