खास चेलों 10:39 - Garhwali

³⁹ अर जु काम यीशु न यहूदी लोगु का देस मा अर यरूशलेम नगर मा करिनी, ऊं सब कामों का गवा हम छां। अर लोगु न वेतैं क्रूस पर मरवै दिनी,

गढवली नयो नियम

³⁹ अर हम प्रेरित लुखुं तैं ऊं सभि कामों का बारा मा बतौंदयां, जु हम ल यीशु तैं यहूदिया अर यरूशलेम शहर मा करदी देखि छा, अर यहूदी अगुवों ल यीशु तैं सूली पर चढै कै मारि दींनि।

खास चेलों 10:39 ပူးပေါင်းရင်းမြစ်များ

लूका 1:2

अर ऊं लोगु न, जौन खुद पैलि बटि यों बातों तैं देखि अर वचन को परचार करण की सेवा कैरी, ऊंन ही यू वचन हम मा पौंछे।

लूका 24:48

अर तुम सब यों बातों का गवा छाँ।

यूहन्ना 15:27

अर तुम भि मेरी गवै दिल्या, किलैकि तुम शुरु बटि ही मेरा दगड़ा मा छाँ।”

खास चेलों 1:22

याने कि जब हमरु प्रभु यीशु हमरा दगड़ा मा छौ वे बगत बटि लेके अब तक जु लोग हमरा दगड़ा मा छिन, ऊंमा बटि एक मनखि तैं चुणै जौ। ताकि उ मनखि भि ईं बात को गवा ह्‍वे कि यीशु तैं मुरदो मा बटि ज्यून्द किये गै।”

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

खास चेलों 10:41

पर फिर भि वु सब लोगु तैं नि दिखै, बस ऊं लोगु तैं ही दिखै जौं तैं परमेस्वर न पैलि बटि गवा होणु खुणि चुण्यूं छौ, अर वु गवा हम ही छां। किलैकि यीशु की मौत मा बटि ज्यून्द होण का बाद हमुन वेका दगड़ा मा खाणुक-पीणुक खै।

खास चेलों 13:31

अर भौत दिनों तक प्रभु यीशु अपणा खास चेलों तैं दिखै जु वेका दगड़ा मा गलील मुलक बटि यरूशलेम नगर मा अयां छा, अर अब यू ही वु लोग छिन जु कि और लोगु का समणि वेका गवा छिन।

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।