खास चेलों 10:34 - Garhwali

³⁴ तब पतरस न बोलि, “अब मि सच्‍चि मा जाणि ग्यों, कि परमेस्वर कै का दगड़ा मा भि भेदभाव नि करदु,

गढवली नयो नियम

³⁴ तब पतरस ल बोलि, “अब मेरी समझ मा ऐ गै कि पिता परमेश्वर कै दगड़ी भि भेद-भाव नि करद।

खास चेलों 10:34 ပူးပေါင်းရင်းမြစ်များ

मत्ती 22:16

तब ऊंन अपणा चेला-चआँटों तैं राजा हेरोदेस का कुछ खास लोगु का दगड़ा यीशु का पास इन बुलणु कू भेजि, कि वेकू बुलयां, “गुरुजी, हम जणदा छां कि तुम सच्‍चा छाँ, अर सच्‍चै से परमेस्वर का बाटा का बारा मा सिखौन्द्‍यां। अर तुम कै से भि नि डऽरद्‍यां, अर ना ही तुम कै का दगड़ा मा पक्षपात कैरिके बात करद्‍यां।

मत्ती 5:2

तब उ ऊंतैं उपदेस देके बोन्‍न लगि गै कि:

लूका 20:21

तब जासूसों न यीशु कू बोलि, “गुरुजी, हम जणदा छां कि तुम बिल्कुल सही बुल्द्‍यां अर सिखौन्द्‍यां। अर ना ही कै का दगड़ा मा पक्षपात करद्‍यां, पर सच्‍चै से परमेस्वर का बाटा का बारा मा सिखौन्द्‍यां। पर हमतै एक बात बता कि,

खास चेलों 10:33

इलै मिन तुमतै बुलाणु खुणि अपणा लोगु तैं तुरन्त भेजि, अर या बात अच्छी च कि तुम इख ऐ भि ग्यां। अब जु कुछ भि वचन परमेस्वर न तुमतै दिईं, वु सब कुछ सुनणु खुणि ही हम इख इकट्‍ठा होयां छां, अर परमेस्वर भि हमरा बीच मा च।”

खास चेलों 15:9

अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,

खास चेलों 8:35

तब फिलिप्पुस न बतौण शुरु कैरी, अर पवित्रशास्‍त्र का ये वचन बटि शुरु कैरिके यीशु का शुभ समाचार तक वेतैं सुणै दिनी।

रोमियों 2:11

किलैकि पिता परमेस्वर कै का दगड़ा मा भि पक्षपात नि करदु।

रोमियों 3:29

त अब क्या परमेस्वर बस यहूदी जाति का लोगु को ही परमेस्वर च? क्या उ दुसरि जाति का लोगु को परमेस्वर नि च? हाँ, ये मा कुई भि सक नि च की वु ऊं लोगु को भि परमेस्वर च जु यहूदी जाति का नि छिन।

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

इफिसुस 6:9

अर हे मालिकों, अपणा-अपणा नौकरों को हक ऊंतैं द्‍या अर ऊंतैं डऽरै-धमकै के नि रखा, अर यू याद रखा कि स्वर्ग मा रौण वळु परमेस्वर तुम दुईयों को मालिक च, अर वु कै का दगड़ा मा भेदभाव नि करदु।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

कुलुसी 3:25

इलै सुणा, जु कुई बुरै करदु उ अपणी बुरै को बदला पालु, किलैकि प्रभु कै का दगड़ा मा भि भेदभाव नि करदु।

याकूब 2:1

हे मेरा भै-बैंणो, तुम महान प्रभु यीशु मसीह पर बिस्वास करद्‍यां, इलै तुम एक-दुसरा का दगड़ा मा भेदभाव नि कैरा।

याकूब 2:4

त क्या इन कैरिके तुमुन आपस मा भेदभाव नि कैरियाली? अर क्या गळत विचार रखी के तुम न्याय करण वळा नि बणि ग्यां?

याकूब 2:9

पर अगर जु तुम भेदभाव करद्‍यां त तुम पाप करद्‍यां, अर तब नियम-कानूनों का मुताबिक तुमतै दोषी ठैरै जान्दु।

1 पतरस 1:17

अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।