खास चेलों 10:30 - Garhwali

³⁰ तब कुरनेलियुस न जबाब देई, “आज से ठिक चार दिन पैलि दुफरे तीन बजी का करीब मि घौर मा ये ही बगत पर प्रार्थना कनु छौ, कि तबरि मिन देखि कि एक आदिम चमकिला कपड़ा पैरयूं मेरा समणि खड़ु ह्‍वे गै।

गढवली नयो नियम

³⁰ तब कुरनेलियुस ल बोलि, “आज बट्टी चार दिन पैली यु ही बगत, जब मि अपड़ा घौर मा दोपहरा मा तीन बजी प्रार्थना कनु छो, तब एक चमकिला कपड़ा पैरयूं आदिम मेरा संमणी ऐ”

खास चेलों 10:30 ပူးပေါင်းရင်းမြစ်များ

मत्ती 28:3

अर वेको रुप आसमान मा चमकण वळी बिजली का जन, अर वेका कपड़ा बरफ की तरौं सफेद छा।

मरकुस 16:6

पर वेन ऊंकू बोलि, “सुणा, ताजुब नि कैरा, नासरत गौं का जै यीशु तैं क्रूस पर चड़ये गै छौ, जैतैं तुम खुज्याणा छाँ, उ मुरदो मा बटि ज्यून्दु ह्‍वे गै। अर देखा, या वा ही जगा च जख ऊंन वेतैं रखी छौ, मगर अब उ इख नि च।

लूका 24:4

अर यू देखि के वु बड़ी उळझण मा पोड़ि गैनी, कि तबरि दुई मनखि ऊंका समणि ऐके खड़ा ह्‍वे गैनी, अर ऊंका चमकिला कपड़ा पैरयां छा।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 10:29

इलै जब मितैं इख बुलये गै, त मिन बिन कुछ बुलयां इख ऐ ग्यों। अर अब तुम मितैं इन बता कि तुमुन मितैं इख किलै बुलै?”

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 10:31

अर वेन मिकू बोलि, ‘हे कुरनेलियुस, परमेस्वर न तेरी प्रार्थनाओं तैं, अर जु दान-दकछिणा तू देन्दी छैई वु सब परमेस्वर का समणि गै अर वेन वु सब अरपण का रुप मा स्वीकार कैरियाली।

खास चेलों 3:1

एक दिन पतरस अर यूहन्‍ना दुफरे तीन बजी का करीब प्रार्थना का बगत मन्दिर कू जाणा छा।