खास चेलों 10:17 - Garhwali

¹⁷ अर पतरस न दरसन मा जु कुछ देखि छौ, वीं बात तैं लेके उळझण मा पोड़ि गै, कि ईं बात को मतलब क्या ह्‍वे सकदु। अर सुणा, जौं लोगु तैं कुरनेलियुस न भेजि छौ ऊ लोग शमौन चमड़ा वळा का घौर को पता लगौन्द-लगौन्द वेका द्‍वार तक पौंछी गैनी।

गढवली नयो नियम

¹⁷ जब पतरस यु दर्शन का बारा मा सुचणु छो कि यांको मतलब क्य होलो, तब कुरनेलियुस का भिज्यां आदिम शमौन का घौर को पता लगै के द्वार का समणी खड़ा हवे के पुछण लगि गै।

खास चेलों 10:17 ပူးပေါင်းရင်းမြစ်များ

यूहन्ना 13:12

जब वेन ऊंका खुटा ध्वे दिनी, तब उ अपणा कपड़ा पैरि के फिर से बैठि गै। अर वेन ऊंकू बोलि, “क्या तुम समझि ग्यां, कि मिन तुमरा दगड़ा मा क्या कैरी?

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 2:12

अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?”

खास चेलों 25:20

तब मि बड़ी उळझण मा पोड़ि ग्यों, कि यों सब बातों को पता कनकै लगये जै सैको? इलै मिन पौलुस बटि पूछी, ‘तू क्या चाणि छैई, कि यरूशलेम नगर जैके यों सब बातों को न्याय उखि किये जौ?’

खास चेलों 5:24

अर जब मन्दिर का सिपयों का अधिकारी न, अर मुख्य पुरोहितों न सुणी त यों बातों तैं सुणी के घबरै गैनी, कि अब क्या जि होलु।

खास चेलों 9:10

अर दमिश्क नगर मा हनन्याह नौ को एक बिस्वासी रौन्दु छौ। प्रभु न वेतैं एक दरसन देके बोलि, “हे हनन्याह,” अर वेन बोलि, “हाँ प्रभु।”

खास चेलों 9:43

अर पतरस याफा नगर मा शमौन नौ का एक मनखि का इख भौत दिनों तक रै, अर यू शमौन चमड़ा को काम करदु छौ।

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।