खास चेलों 10:11 - Garhwali

¹¹ अर वेन देखि की आसमान खुलि गै, अर एक बड़ा चदरा का जन कुई चीज मूड़ी औणी च अर वेतैं चौतरफि बटि पकड़ी के धरती पर लये जाणु छौ।

गढवली नयो नियम

¹¹ वेल देखि कि, स्वर्ग खुली गै; अर एक बड़ी चदरा जन चीज जु कूणो बट्टी लटकी धरती पर उतरदी देखि।

खास चेलों 10:11 ပူးပေါင်းရင်းမြစ်များ

मत्ती 8:11

अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

लूका 3:21

यूहन्‍ना का जेलखाना मा डळै जाण से पैलि, जब सब लोग बपतिस्मा लिणा छा, तब यीशु न भि बपतिस्मा लेई, अर जब उ प्रार्थना कनु छौ तब आसमान खुलि गै।

यूहन्ना 1:51

अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

यूहन्ना 11:52

अर सिरफ यहूदी लोगु खुणि ही ना, बल्किन परमेस्वर की औलाद जु कि तितर-बितर होईं छिन, ऊं सभ्यों तैं भि एकजुट करणु खुणि मुरलु।

यूहन्ना 12:32

अर जब मि ईं धरती मा बटि ऊँचा पर चड़ये जौलु, तब मि सभि लोगु तैं अफ जनै खैंचुलु।”

खास चेलों 10:12

अर वेमा हरेक किसम का जानबर याने की चार खुटों वळा जानबर, रिंगण वळा, अर पंछि भि छा।

खास चेलों 11:5

“जब मि याफा नगर मा प्रार्थना कनु छौ, त मितैं भूक लगणि छै। अर मि अपणी सुद-बुद मा नि छौ, अर मिन एक दरसन देखि की एक बड़ा चदरा का जन कुई चीज मेरा पास मूड़ी औणी च, अर वीं चीज तैं चौतरफि बटि पकड़ी के धरती पर लये जाणु च।

खास चेलों 7:56

“सुणा, मि स्वर्ग तैं खुल्यूं अर मनखि का पुत्र तैं परमेस्वर की दैंणी तरफा खड़ु होयुं दिखणु छौं।”

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

गलातियों 2:15

“अर हम दुईया का दुई जनमजात यहूदी छां, अर एक बगत इन छौ जब हम ऊं लोगु तैं पापि मणदा छा, जु कि यहूदी जाति का नि छिन।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

दिब्य दरस 4:1

यों सब बातों का बाद मिन देखि, कि स्वर्ग मा एक द्‍वार खुल्यूं च अर एक बिगुला का जन आवाज, ज्वा कि मिन पैलि सुणी छै वेन मिकू बोलि, “इख मथि अऽ, मि त्वेतै वु बात दिखौलु जु येका बाद होण वळी छिन, अर वु जरुर पूरि ह्‍वेलि।”