खास चेलों 1:5 - Garhwali

⁵ किलैकि यूहन्‍ना न त पाणिळ बपतिस्मा दिनी, मगर अब से कुछ दिनों का बाद तुम पवित्र आत्मा का द्‍वारा बपतिस्मा पैल्या।”

गढवली नयो नियम

⁵ यूहन्ना बपतिस्मा दींणवला ल त तुम तैं पांणी ल बपतिस्मा दींनि पर कुछ दिनों का बाद तुम तैं पवित्र आत्मा का द्वारा बपतिस्मा दिये जालो।”

खास चेलों 1:5 ပူးပေါင်းရင်းမြစ်များ

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

मरकुस 1:8

अर मि त तुमतै पाणिळ बपतिस्मा देन्दु छौं, मगर उ तुमतै पवित्र आत्मळ बपतिस्मा द्‍यालु।”

लूका 3:16

तब यूहन्‍ना न ऊं सभ्यों कू बोलि, “मि त तुमतै पाणिळ बपतिस्मा देणु छौं, पर उ औण वळु च, जु मिसे भि जादा ताकतबर च। अर मि ये लैख भि नि छौं कि वेका जुतों का तसमा भि खोली सैकु। अर उ तुमतै पवित्र आत्मा अर आग बटि बपतिस्मा द्‍यालु।

यूहन्ना 1:26

तब यूहन्‍ना न ऊंकू बोलि, “मि त पाणिळ बपतिस्मा देन्दु छौं, पर तुमरा बीच मा एक मनखि खड़ु होयुं च, जैतैं तुम नि जणद्‍यां की उ कु च।

यूहन्ना 1:31

अर मि यू नि जणदु छौ कि यू उई च, पर मि पाणि बटि बपतिस्मा देन्दु छौं, ताकि उ इस्राएली लोगु मा पछ्याणे जौ।”

यूहन्ना 1:33

अर मि त वे मनखि तैं नि पछ्याणदु छौ, पर जै परमेस्वर न मितैं पाणि बटि बपतिस्मा देणु कू भेजि, वेन मिकू बोलि, कि ‘जै पर तू पवित्र आत्मा तैं उतरद अर ठैरिद दिखली, उई पवित्र आत्मा बटि बपतिस्मा देण वळु च।’

खास चेलों 10:45

अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

खास चेलों 19:4

तब पौलुस न ऊंकू बोलि, “यूहन्‍ना न त पापों से पस्ताप करण को बपतिस्मा दे छौ वेन बोलि छौ, जु मेरा बाद औण वळु च वे पर बिस्वास कर्यां।” अरे, वु जैका बारा मा बोन्‍नु छौ वु यीशु मसीह ही च।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

तीतुस 3:5

तब वेन हमरा अच्छा कामों का खातिर ना, पर अपणी दया कैरिके हमतै बचै दिनी अर पवित्र आत्मा का द्‍वारा हमरा सब पापों तैं ध्वेके हमतै नयू जनम देई अर हमतै नयू जीवन मिली।