खास चेलों 1:4 - Garhwali

⁴ अर थियुफिलुस, एक दिन इन ह्‍वे जब यीशु अपणा चेलों का दगड़ा मा मिली के खाणुक खाणु छौ, त वेन ऊंतैं आज्ञा दिनी कि, “यरूशलेम नगर तैं छोड़ि के नि जयां, मगर इखि रयां अर पिता का वे करार तैं पूरु होण को इंतजार कर्यां, जैका बारा मा मिन तुमुन पैलि बतै छौ।

गढवली नयो नियम

⁴ एक बार जब उ दगड़ा मा छा त यीशु ल ऊं तैं आज्ञा दींनि कि “यरूशलेम शहर तैं नि छुड़यां पर वे दान की जग्वाल करयां जु मेरा पिता परमेश्वर ल तुम तैं दींण की करार कैरी च ज्यांका बारा मा तुम ल मि बट्टी पैली सूंणि येले।

खास चेलों 1:4 ပူးပေါင်းရင်းမြစ်များ

मत्ती 10:20

अर याद रखा कि बोन्‍न वळा तुम नि छाँ, बल्किन मा तुमरा भितर पिता परमेस्वर को पवित्र आत्मा च जु कि तुमरा द्‍वारा बोललु।

लूका 11:13

इलै जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त जु लोग स्वर्ग मा रौण वळा पिता बटि मंगदा छिन ऊंतैं वु पवित्र आत्मा किलै नि द्‍यालु।”

लूका 12:12

किलैकि पवित्र आत्मा उबरि तुमतै सिखै दयालु, कि क्या-क्या बोन्‍न।”

लूका 24:49

अर सुणा, पिता का वे करार का मुताबिक मि वेतैं तुम पास भेजलु, अर जबरि तक वा ताकत तुमतै स्वर्ग बटि नि मिली जौ, तबरि तक तुम यरूशलेम नगर मा ही रयां।”

यूहन्ना 14:16

अर मि पिता बटि बिन्ती करलु, अर उ तुमतै एक और मददगार द्‍यालु, याने कि सच्‍चै को आत्मा। अर उ सदनि तुमरा दगड़ा मा रालु।

यूहन्ना 15:26

पर उ मददगार पिता मा बटि निकळदु अर वु सच्‍चै को आत्मा च, अर जैतैं मि पिता की तरफा बटि तुमरा पास भेजलु, जब उ आलु त उ मेरी गवै द्‍यालु।

यूहन्ना 20:22

इन बोलि के वेन ऊं पर सांस फूकी अर ऊंकू बोलि, “पवित्र आत्मा तैं स्वीकार कैरा।

यूहन्ना 7:39

यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

खास चेलों 10:41

पर फिर भि वु सब लोगु तैं नि दिखै, बस ऊं लोगु तैं ही दिखै जौं तैं परमेस्वर न पैलि बटि गवा होणु खुणि चुण्यूं छौ, अर वु गवा हम ही छां। किलैकि यीशु की मौत मा बटि ज्यून्द होण का बाद हमुन वेका दगड़ा मा खाणुक-पीणुक खै।

खास चेलों 2:33

अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च।