3 यूहन्ना 1:2 - Garhwali

² हे मेरा प्यारा भै, मि इन प्रार्थना करदु कि जन तू आत्मिक रुप से मजबूत होन्दी जाणि छैई, ठिक उन्‍नि हरेक बात से भरपूर होन्दी जा अर खूब रै।

गढवली नयो नियम

² हे प्रिय दगड़िया, मेरी या प्रार्थना च; कि जन तेरु आत्मिक जीवन (आत्मा) उन्नति कनु च, उन ही तू सभि बातों मा उन्नति कैर, अर तेरी देह मजबूत रौ।

3 यूहन्ना 1:2 ပူးပေါင်းရင်းမြစ်များ

मत्ती 9:12

अर या बात सुणी के यीशु न ऊंकू बोलि, “जु ठिक-ठाक छिन, ऊंतैं बैद की जरुरत नि होन्दी, मगर बिमारों तैं होन्दी च।

फिलिप्पी 2:4

अर तुम मा बटि कुई भि अपणी ही भलै खुणि ना, बल्किन मा दुसरो की भलै का बारा मा भि सोचा।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

2 थिस्सलुनीकी 2:13

मगर हे मेरा भै-बैंणो, तुम जु प्रभु का प्रिय लोग छाँ, हमरि या जिमेदारी बणदी की हम तुमरा खातिर पिता परमेस्वर को धन्यवाद हमेसा कैरा। किलैकि परमेस्वर न तुमतै शुरुवात बटि ही चुण्यालि, कि तुमतै बचयै जौ। अर जब हम वेका सच्‍चा वचन पर बिस्वास करद्‍यां, तब पवित्र आत्मा हमतै पवित्र बणादु ताकि वेका द्‍वारा हम पूरि तरौं से बचि जां।

याकूब 5:12

हे मेरा भै-बैंणो, सबसे बड़ी बात त या च, कि तुम कै भि बात की कसम नि खा। नऽ त तुम स्वर्ग की, अर ना ही ईं धरती की, अर ना ही कै और चीजे की कसम खा। पर तुम “हाँ” की जगा “हाँ” बोला, अर “ना” की जगा “ना” बोला, ताकि तुम पर इळजाम नि लगै जौ।

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

3 यूहन्ना 1:1

हे मेरा प्यारा भै गयुस, मि यूहन्‍ना जु कि एक अध्यक्ष छौं, मि या चिठ्‍ठी त्वे खुणि लिखणु छौं, त्वेसे मि सच्‍चु प्यार करदु।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।