2 तीमुथियुस 3:8 - Garhwali

⁸ अर गळत शिक्षा तैं देण वळा यू लोग भि ठिक यन्‍नेस अर यम्ब्रेस का जन छिन, जौन परमेस्वर का सेवक मूसा को विरोध कैरी छौ। किलैकि गळत शिक्षा तैं देण वळा लोग भि सच्‍चै को विरोध करदिन, अर यों को दिमाग खराब ह्‍वे गै, अर इन के ऊंन अपणा बिस्वास को नास कैरियाली।

गढवली नयो नियम

⁸ यु झूठा शिक्षक, सच्चा संदेश को प्रचार कन से रुकदींनि, जन यन्नेस अर यम्ब्रेस ल मूसा को विरोध कैरी छो, ऊंको दिमाग भ्रष्ट च, अर उ सच मा मसीह पर विश्वास नि करदींनि।

2 तीमुथियुस 3:8 ပူးပေါင်းရင်းမြစ်များ

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

रोमियों 1:28

अर जब ऊं लोगु न अपणा मन मा परमेस्वर का ज्ञान तैं रखण खूब नि समझि, त परमेस्वर न भि ऊंतैं ऊंका भ्रष्‍ट मन का हाल पर ही छोड़ दिनी, ताकि वु बुरा काम करण पर ही लग्यां रा।

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

1 तीमुथियुस 4:2

अर यू सब ऊं झूठ्‍ठा ढोंगि लोगु का द्‍वारा होलु जौं तैं भलै अर बुरै को ज्ञान नि च, यों को मन लुअळ डामी के नास होयां का जन च।

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

2 तीमुथियुस 4:15

अर तीमुथियुस तू भि वे बटि बचि के रै, किलैकि जु कुछ भि हमुन सिखै वेन वेको भौत विरोध कैरी।

तीतुस 1:10

अर यू इलै जरुरी च, किलैकि भौत सा लोग छिन, जु आज्ञाओं तैं नि मणदिन अर बेमतलब की बात करदिन, धोखा देन्दिन, अर खास कैरिके यू ऊ यहूदी लोग छिन, जु इन सिखौन्दिन कि खतना का रिवाज तैं पूरा करण जरुरी च।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

2 पतरस 2:14

त यों का आंखा हमेसा इन्दरि जनानि कि ताक मा रौनदिन, जिं का दगड़ा मा यू गळत काम कैरी सैका। अर इन कैरिके यों का आंखा पाप करण खुणि ही लग्यां रौनदिन। अर यू लोग चंचल मन वळो तैं भरमै देन्दिन, अर यों का मन मा भौत लालच भोरयूं च। असल मा यू वु लोग छिन जौं पर असगार पोड़्यूं च।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

दिब्य दरस 2:20

“मगर फिर भि तुमरा खिलाप मा बुलणु खुणि मि मा इन च कि तुम लोग वीं इजेबेल जनानि तैं अपणा बीच मा रौण देन्द्‍यां, ज्वा कि खुद तैं परमेस्वर की रैबर्या बतौन्दी, अर मेरा सेवकों तैं भटकौन्दि अर अपणी शिक्षा देके ऊंतैं सरील का गळत सम्बन्ध बणौणु खुणि, अर मूरतों का अगनै अरपण मा चड़ईं चीजों तैं खाणु खुणि उकसौन्दी च।

दिब्य दरस 2:6

मगर फिर भि तुम मा एक अच्छी बात या च कि तुम निकुलइयों का दल का कामों से नफरत करद्‍यां, जौं से मि भि नफरत करदु।