2 तीमुथियुस 3:6 - Garhwali

⁶ अर यों मा बटि त कुछ लोग इन्द्रया छिन, जु की सीदी-सादी जनानियों का घौर मा आसानी से घुसी जनदिन। तब यों जनानियों तैं वु अपणी बातों मा फंसै देन्दिन, किलैकि यू जनानियां बन्‍नि-बन्‍नि किसम का पाप मा फंसी रौनदिन, अर हरेक किसम की इच्छाओं तैं रखदिन।

गढवली नयो नियम

⁶ यूं मदि उ लोग छिन जु चुपचाप से घौरों मा घुसि जंदींनि, अर ऊं विश्वास मा कमजोर जननों तैं अपड़ा वश मा कैरी दींदिनि, जु पापों मा दबिं रौदींनि अर हरेक किस्मै कि लालसाओं का वश मा रौदींनि

2 तीमुथियुस 3:6 ပူးပေါင်းရင်းမြစ်များ

मत्ती 11:28

“हे सब मेहनत कैरी-कैरिके थक्यां अर बोझ से दबयां लोगु, मि मू आ, मि तुमतै आराम द्‍यूलु।

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

मत्ती 23:14

[हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, तुम लोगु तैं दिखौणु खुणि लम्बी-लम्बी प्रार्थना करद्‍यां, अर विधवा जनानियों तैं धोखा देके ऊंका घौरों तैं लूटी देन्दयां, इलै सुणा, तुमतै भौत बड़ु दण्ड मिललु।]

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

मरकुस 4:19

मगर ईं दुनियां मा अगनै चलि के जीवन की चिन्ता-फिकर, अर धन-दौलत को धोखा, अर इन्‍नि दुसरि चीजों को लालच भि ऊंमा ऐ जान्दु। अर ऊ वे वचन तैं दबै देन्दिन, इलै ही वे पर फल नि लगदिन।

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

1 तीमुथियुस 5:6

पर जु विधवा जनानि मौज-मस्ती मा रौन्दी, त वा ज्यून्दु होण का बाद भि मुरयां का जन च।

1 तीमुथियुस 6:9

पर जु सेठ बणण चनदिन ऊ अजमैस मा पोड़दिन, अर जाल अर खतरनाक मनसा मा पोड़ि जनदिन। अर इन मनसा ऊंतैं बिगाड़ि देन्दी, अर विणास का बाटा मा ले जान्दी।

तीतुस 1:11

अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 पतरस 3:17

इलै हे मेरा प्यारा दगड़्यों, तुम सब लोगु तैं यों बातों का बारा मा पैलि बटि ही पता होण चयेणु, चौकस रा ताकि कखि इन नि हो, कि तुम दुष्‍ट लोगु की गळत शिक्षा तैं स्वीकार कैरिके भटकी जा।

यहूदा 1:16

अर यू वु लोग छिन जु कि हर बात मा सिकैत करदिन, अर दुसरो का दोष खुज्यौदिन। अर अपणी बुरी इच्छाओं का मुताबिक अपणा जीवन तैं चलदिन अर अपणी बातों पर बड़ु मोन करदिन, अर अपणा फैदा खुणि दुसरा लोगु की चापलूसी भि करदिन।

यहूदा 1:18

ऊंन तुमकु बोलि छौ कि, “आखिरी का बगत मा मजाक उड़ौण वळा आला, जु अपणी बुरी इच्छाओं का मुताबिक चलला।”

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।