2 तीमुथियुस 2:14 - Garhwali

¹⁴ हे तीमुथियुस, तू यों सब बातों तैं बिस्वासी लोगु तैं याद करै दे। अर परमेस्वर तैं गवा माणी के ऊंतैं आदेस दे, कि यू लोग पवित्रशास्‍त्र का एक-एक शब्द का बानो बहसबाजी नि कैरा। किलैकि इन कैरिके कुई फैदा नि होन्दु, पर सुनण वळो का बिस्वास मा उळझण पोड़ि जान्दी अर ऊंका बिस्वास को नास ह्‍वे जान्दु।

गढवली नयो नियम

¹⁴ यूं बातों तैं, विश्वासियों तैं बार-बार सिखौ, अर प्रभु का संमणी ऊं तैं चितै दे, कि शब्दो पर तर्क-वितर्क नि कना रौनु, जौं बट्टी कुछ फैदा नि हूंद, बल्कि यु ऊं लुखुं का विश्वास तैं नुकसान पहूंचो दींनि जु यु तैं सुणदींनि।

2 तीमुथियुस 2:14 ပူးပေါင်းရင်းမြစ်များ

मत्ती 16:26

अर अगर कुई मनखि दुनियां की हरेक चीजों तैं हासिल कैरी द्‍यो, मगर उ सदनि का जीवन तैं ख्वे द्‍यो त वेतैं फिर क्या फैदा ह्‍वे? अर कुई भि मनखि सदनि का जीवन तैं पौणु खुणि क्या दे सकदु?

खास चेलों 13:10

“हे शैतान की औलाद, अर सब अच्छे का दुसमन तू त झूठ्‍ठों अर धोखा देण वळु छैई, क्या तू प्रभु का सही बाटा बटि लोगु तैं गळत बाटा पर लि जाण कभि नि छोड़ि सकदी?

खास चेलों 15:24

दगड़्यों, हमुन सुणी कि हमरा इख बटि कुछ लोगु न ऐके तुमतै अपणी बातों का द्‍वारा भरमै, अर तुमरा मनों तैं बड़ी उळझण मा डालियेली। पर सुणा, हम तुमतै बतै देन्द्‍यां कि हमुन ऊं लोगु तैं इन्द्रयो कुई भि आदेस नि दे छौ।

रोमियों 14:1

हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

गलातियों 1:7

पर मि तुमतै बतै देन्दु कि पिता परमेस्वर को कुई दुसरो समाचार छैई नि च, अर सच्‍चि बात त या च कि कुछ लोग तुमतै भरमौणा छिन, अर इन कैरिके वु लोग मसीह का शुभ समाचार तैं ही बदलण चाणा छिन।

इफिसुस 4:17

इलै प्रभु का नौ से मि तुमतै हुकम देके बुल्दु, कि तुम ईं दुनियां का लोगु का जन नि बणा, जु की अपणा मनों तैं बेमतलब की बातों पर लगौन्दिन, अर वेका मुताबिक चलदिन।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

2 थिस्सलुनीकी 3:6

हे मेरा भै-बैंणो, हम प्रभु यीशु मसीह का द्‍वारा दियां अधिकार से तुमतै आज्ञा देन्द्‍यां, कि बिस्वासी लोगु मा जु अळकसि छिन अर हमरि दिईं शिक्षा को पालन नि करदिन, ऊंका दगड़ा मा नि रा।

1 तीमुथियुस 1:4

अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

1 तीमुथियुस 1:6

अर यों बातों तैं छोड़ि के कुछ लोग भटकी गैनी, अर अब ऊंन फालतु बातों की शिक्षा देण शुरु कैरियाली।

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।

1 तीमुथियुस 5:21

हे तीमुथियुस, मि परमेस्वर अर यीशु मसीह अर चुण्यां स्वर्गदूतों तैं गवा माणी के त्वेतै या आज्ञा देन्दु, कि तू खुला मन से यों सब बातों को पालन कैर, अर कै का दगड़ा मा भि पक्षपात नि कैरी।

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

2 तीमुथियुस 1:6

इलै मि त्वेतै याद दिलै देन्दु, कि जब मिन तेरा मुण्ड़ मा हाथ रखी के प्रार्थना कैरी छै, तब परमेस्वर न जु दान-बरदान त्वेतै दिनी ऊंको इस्तेमाल आग सुलगौण की तरौं कैरा।

2 तीमुथियुस 2:16

अर जु लोग परमेस्वर का वचन का खिलाप मा सिखौन्दिन, तू इन्दरि गळत शिक्षा देण वळो बटि अलग रौ। किलैकि इन्दरि बातों से लोग परमेस्वर बटि दूर ह्‍वे जनदिन।

2 तीमुथियुस 2:23

अर जौं बातों को कुई मतलब नि होन्दु अर जु बेकार की छिन तू इन्द्रया वाद-विवादों से दूर रौ, किलैकि तू जणदी ही छैई कि इन्दरि बातों से झगड़ा होनदिन।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

तीतुस 3:1

अर तीतुस, ऊं लोगु तैं इन भि याद दिलौ, कि ऊ राजा अर अधिकारी लोगु का अधीन मा रा, अर ऊंकी आज्ञा को पालन कैरा। अर हरेक भला काम करणु खुणि तयार रा।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

2 पतरस 1:13

अर जबरि तक मि ज्यून्दु छौं, तबरि तक मेरु यू फरज बणदु कि तुमतै याद दिलै-दिलै के मजबूत कनु रौंऽऽ अर या ही बात मितैं खूब लगदी।