2 तीमुथियुस 2:10 - Garhwali

¹⁰ अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

गढवली नयो नियम

¹⁰ इलै मि ऊं लुखुं का फैदा कु, दुःख सौणु छो, जौं तैं पिता परमेश्वर ल चुणि, कि उ भि यीशु मसीह पर विश्वास कैरा अर उद्धार का द्वारा बचै जै सैका, अर वीं महिमा तैं पां जु हमेशा बंणि रौ।

2 तीमुथियुस 2:10 ပူးပေါင်းရင်းမြစ်များ

मत्ती 24:22

अर अगर पिता परमेस्वर ऊं दिनों की गिनती कम नि करदु, त कुई भि मनखि नि बचदु, मगर चुण्यां लोगु का खातिर ही ऊं दिनों की गिनती कम किये गै।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 24:31

अर बिगुले की बड़ी आवाज का दगड़ा मा मनखि को पुत्र अपणा स्वर्गदूतों तैं भेजलु, अर स्वर्गदूत वेका चुण्यां लोगु तैं पूरि दुनियां का हरेक दिसा से इकट्‍ठा करला।”

लूका 18:7

अर जब एक अधरमी न्याय करणु वळु इन कैरी सकदु, त क्या परमेस्वर अपणा चुण्यां लोगु को न्याय नि करलु? जु दिन-रात वेसे प्रार्थना करणा रौनदिन, क्या उ अपणा लोगु का खातिर देर करलु?

लूका 22:57

पर वेन इन बोलि के नकारी दिनी कि, “भुलि, मि वे मनखि तैं नि जणदु।”

यूहन्ना 11:52

अर सिरफ यहूदी लोगु खुणि ही ना, बल्किन परमेस्वर की औलाद जु कि तितर-बितर होईं छिन, ऊं सभ्यों तैं भि एकजुट करणु खुणि मुरलु।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

यूहन्ना 17:9

“अर अभि मि दुनियां का लोगु कू ना, पर ऊं चेलों खुणि ही जु तुमुन मि मा सौंप्यां छिन, ऊं खुणि ही प्रार्थना कनु छौं। किलैकि वु तुमरा ही छिन।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

रोमियों 9:23

अर वेन सबर इलै रखी, ताकि उ अपणी बड़ी दया ऊं लोगु तैं दिखै सैको, जौं तैं उ आदर-सम्मान देण वळु च। अर ऊं लोगु तैं वेन यां खुणि ही तयार कैरिके रख्युं च, कि ऊ वेका बड़ा आदर-सम्मान तैं देखि सैका।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

1 कुरिन्थि 9:22

अर जब ऊं लोगु का बीच मा छौ जु कि बिस्वास मा कमजोर छिन त मि ऊंका जन ही बणि ग्यों, ताकि वु बिस्वास मा और मजबूत ह्‍वे सैका। अर यों सब बातों को मतलब यू च कि मि सब किसम का लोगु खुणि सब कुछ बणि ग्यों, ताकि कनि ना कनि के मि लोगु तैं यीशु मसीह का पास लेके ऐ सैकु, अर वु वीं सजा से बचि जा जु की पाप करण की वजै से मिलदी।

2 कुरिन्थि 1:6

इलै जब हम दुख-तकलीफ उठौन्द्‍यां, तब वां से हम इन सिखद्‍यां कि हमुन तुमतै कनकै दिलासा देण। अर जब हमतै आराम मिलदु, त हम यू सिखद्‍यां कि तुमतै भि आराम मिलु। अर इनकै तुम सबर रखी के ऊं दुख-तकलीफो तैं चुपचाप से स्वीकार करद्‍यां त यां से इन पता चलदु, कि तुम लोग भि हम जन बिस्वास मा मजबूत होण लगि ग्यां।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 4:15

अर यू सब कुछ तुम खुणि ही होणु च ताकि जै तरीके से पिता परमेस्वर कि किरपा जादा से जादा लोगु पर होणी च, ठिक उन्‍नि पिता परमेस्वर की तारीफ अर धन्यवाद खुणि लोगु की गिनती और भि बढदी जौ।

2 कुरिन्थि 4:17

अर हमतै पूरु यकीन च कि जु आदर-सम्मान हमतै स्वर्ग मा मिलण वळु च वेन सदनि तक रौण। अर जु दुख-तकलीफ अभि हम ईं दुनियां मा झिलणा छां ऊ कुछ भि नि छिन।

इफिसुस 3:13

हे मेरा दगड़्यों, तुमरा खातिर जु दुख मि झिलणु छौं, मि तुम से बिन्ती करदु कि तुम मेरा दुख की वजै से निरास नि ह्‍वा। अर पिता परमेस्वर ये बगत मा तुमतै ताकत द्‍यो अर तुम वेमा और भि जादा बढदी जा, किलैकि दुख का ये बगत मा ही तुमरि बडै होन्दी।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

1 थिस्सलुनीकी 5:9

किलैकि परमेस्वर न हमतै इलै नि चुणी कि हम पर दण्ड की आज्ञा हो, बल्किन मा हमतै चुणी के इलै ठैरैयालि कि हम अपणा प्रभु यीशु मसीह का द्‍वारा बचयै जां।

2 थिस्सलुनीकी 2:14

अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

2 तीमुथियुस 1:1

हे मेरा भै-बैंणो मि पौलुस छौं, अर मितैं परमेस्वर न अपणी इच्छा का मुताबिक यीशु मसीह खुणि खास चेला ठैरै के चुण्यालि। अर मि या चिठ्‍ठी तीमुथियुस खुणि लिखणु छौं, जु कि मेरा प्रिय नौना का जन च। अर जु लोग यीशु मसीह पर बिस्वास करदिन, ऊंतैं जीवन देण को करार परमेस्वर को कर्युं च। अर येका बारा मा बतौणु खुणि ही परमेस्वर न मितैं चुणी के भेज्यूं च। तीमुथियुस मि प्रार्थना करदु कि, पिता परमेस्वर अर हमरु प्रभु यीशु मसीह अपणी किरपा, दया अर शान्ति त्वेतै देणु रौ।

2 तीमुथियुस 2:1

हे मेरा नौना तीमुथियुस, तू यीशु मसीह की किरपा मा मजबूत ह्‍वे जा।

2 तीमुथियुस 2:3

अर यीशु मसीह का एक अच्छा सिपै का जन मेरा दगड़ा मा दुख भोग।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

1 पतरस 2:10

अर पैलि त तुम कुछ नि छा, मगर अब परमेस्वर का अपणा लोग छाँ। पैलि त तुम पर दया नि ह्‍वे छै, मगर अब तुम पर दया ह्‍वे गै।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।