2 तीमुथियुस 1:3 - Garhwali

³ अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

गढवली नयो नियम

³ जब भि मि पिता परमेश्वर बट्टी प्रार्थना करदु, मि हमेशा तेरु नौं को जिक्र कन याद रखदु, अर त्वे कु पिता परमेश्वर को धन्यवाद करदु। यु ऊई च जै की सेवा मिल शुद्ध विवेक का दगड़ी कैरी जन मेरा पुरणों ल कैरी।

2 तीमुथियुस 1:3 ပူးပေါင်းရင်းမြစ်များ

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

खास चेलों 23:1

अर जब पौलुस लोगु का समणि मूड़ी ऐ, त पौलुस न वीं सभा का लोगु जनै टक लगै के देखि अर बोलि, “हे मेरा भैयों, मिन आज तक परमेस्वर का समणि सच्‍चा मनळ अपणु जीवन बितै।”

खास चेलों 24:14

मगर मि तुमरा समणि ईं बात तैं स्वीकार करदु, कि जु बात नियम-कानूनों अर रैबर्यों की किताबों मा लिखीं छिन, मि ऊं सब बातों पर बिस्वास करदु। अर जै बाटा पर मि चलणु छौं, वेका मुताबिक ही मि अपणा पितरों का परमेस्वर की भक्‍ति कनु छौं। अर साब, ये बाटा कू ही यू लोग गळत बोन्‍ना छिन।

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

खास चेलों 26:4

“महाराज, बचपन बटि लेके मेरी ज्वानी का दिनों तक, मेरु जीवन को पालन-पोसण यरूशलेम नगर मा मेरी अपणी जाति का लोगु का बीच मा ही ह्‍वे, इलै सब यहूदी लोग जणदिन कि मेरु व्यौहार ऊंका बीच मा कन छौ।

खास चेलों 27:23

किलैकि जै परमेस्वर पर मि बिस्वास रखदु अर जैकी सेवा करदु, वे ही परमेस्वर को स्वर्गदूत राति मेरा पास ऐके खड़ु ह्‍वे। अर वेन बोलि कि,

रोमियों 9:1

हे मेरा भै-बैंणो, मि यीशु मसीह को छौं, इलै मि तुमतै सच्‍चि बात बतौणु छौं। अर मेरु जमीर भि जैमा पवित्र आत्मा राज करदु, उ भि ईं बात की गवै देन्दु, कि मि तुम से झूठ्‍ठ नि बोन्‍नु छौं।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

गलातियों 1:14

अर वे बगत त मि अपणा पितरों की रीति-रिवाजों तैं मनण मा, अर अपणी उमर का भौत सा यहूदी लोगु का बीच मा, अर अपणा देस का लोगु मा भि मि सबसे जादा तेज छौ।

इफिसुस 1:16

तब बटि मि भि तुम खुणि प्रार्थना मा प्रभु को धन्यवाद कनु रौन्दु। अर तुम सभ्यों तैं याद कैरिके पिता परमेस्वर बटि हमेसा इन्‍नि प्रार्थना कनु रौन्दु कि,

1 थिस्सलुनीकी 3:10

अर हम दिन-रात परमेस्वर बटि तुम खुणि भौत प्रार्थना करद्‍यां, कि तुम बटि मिली सैका, अर अगर तुमरा बिस्वास मा कै भि बात की कमी रै गै होलि त हम वींतैं पूरि कैरी द्‍यूला।

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 तीमुथियुस 5:5

अगर कुई विधवा जनानि इखुली च, अर वीं की देख-रेख करण वळु कुई नि हो, अर वा परमेस्वर पर बिस्वास कैरिके दिन-रात प्रार्थना बिन्ती करणी रौन्दी हो, त इन्दरि जनानि ही सच्‍च मा विधवा च, अर वींतैं ही मदद मिलण चयेणी।

2 तीमुथियुस 1:5

अर मितैं तेरा सच्‍चु बिस्वास याद औन्दु, जु कि पैलि तेरी ननी लोइस अर तेरी माँ यूनीके न परमेस्वर पर कैरी छौ। अर मितैं पूरु यकीन च, कि उई सच्‍चु बिस्वास अब तेरा जीवन मा भि च।

2 तीमुथियुस 3:15

अर जब तू छुटो बच्‍चा छे, त तब बटि तू परमेस्वर का पवित्र वचन तैं जणदी औणी छैई। अर वु वचन ही त्वेतै समझौन्दिन, कि यीशु मसीह पर बिस्वास रखण से छुटकारु मिलदु।

इब्रानी 13:8

अर यीशु मसीह अभि भि उन्‍नि च जन वु पैलि छौ, अर वेन सदनि तक एक ही जन रौण।