2 तीमुथियुस 1:18 - Garhwali

¹⁸ अर मि इन आस रखदु कि आखिरी मा होण वळा न्याय का दिन पर प्रभु उनेसिफुरुस पर दया कैरो। किलैकि तू अच्छे से जणदी छैई, कि इफिसुस नगर मा उनेसिफुरुस न कथगा अच्छी सेवा कैरी छै।

गढवली नयो नियम

¹⁸ न्याय का दिन प्रभु उनेसिफुरुस तैं अपड़ी महान दया दिखौ अर तुम खुद अच्छा ढंग ल जंणदियां कि वेल इफिसुस शहर मा मेरी कथग मदद कैरी।

2 तीमुथियुस 1:18 ပူးပေါင်းရင်းမြစ်များ

लूका 1:72

अर हमरा पितरों पर दया करणु खुणि, परमेस्वर का द्‍वारा कियां पवित्र करार, याने की ज्वा कसम वेन हमरा पितर अब्राहम का दगड़ा मा कैरी छौ, वे करार तैं याद करणु खुणि वेन यू कैरी।

लूका 1:78

अर यू सब हमरा परमेस्वर की बड़ी दया से होलु। अर ईं दया का बाना मथि बटि हम पर सुबेर को उज्याळु चमकलु।

लूका 8:3

अर ऊं मदि योअन्‍ना, ज्वा कि हेरोदेस अन्तिपास का घौर का कर्ता-धर्ता खुजा की घरवळी छै, अर वींका दगड़ा मा सूसन्‍नाह अर भौत सि जनानियां भि छै। अर यू सब अपणी धन-दौलत बटि यीशु अर वेका चेलों की मदद करदी छै।

खास चेलों 18:19

अर जब वु इफिसुस नगर मा पौंछिनी, त पौलुस न यों दुईयों तैं इखि छोड़ि दिनी, अर खुद प्रार्थना भवन मा जैके यहूदी लोगु का दगड़ा मा वाद-विवाद करण लगि गै।

खास चेलों 18:21

अर जब पौलुस उख बटि जाण लगि गै, त वेन इन बोलि के ऊं बटि विदै ले कि, “अगर जु परमेस्वर की इच्छा होलि, त मि तुम लोगु का पास फिर औलु।” तब पौलुस न इफिसुस नगर बटि पाणि का जाज से अपणी यात्रा शुरु कैरी।

खास चेलों 19:1

अर जब अपुल्‍लोस कुरिन्थि नगर मा छौ, त पौलुस मैंल्या मुलक बटि ह्‍वेके इफिसुस नगर मा पौंछी। अर वेतैं उख कुछ बिस्वासी लोग मिलिनी, अर पौलुस न ऊं बटि पूछी कि,

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

1 कुरिन्थि 16:8

मगर पिन्तेकुस्त का त्योवार तक मिन इफिसुस नगर मा ही रौण।

1 कुरिन्थि 3:13

अर जब प्रभु सब लोगु को न्याय करलु, त हरेक मनखि का काम परगट ह्‍वे जाला कि वेन कन काम कैरी, किलैकि जन सोने की परख आग से किये जान्दी, ठिक उन्‍नि आग सब कुछ परगट कैरी द्‍याली अर इन साबित करली कि हरेक मनखि का काम कन्द्रया छिन।

2 कुरिन्थि 9:1

अर मि तुमतै वे दान का बारा मा लिखण चाणु छौं, जैकी तयारी तुम लोग दुसरा बिस्वासी लोगु की मदद खुणि कना छाँ। अर येका बारा मा मि तुम खुणि कुछ जादा लिखण जरुरी नि समझदु।

इफिसुस 2:4

मगर दया करण मा पिता परमेस्वर को दिल सबसे बड़ु च, किलैकि जब हम अपणा-अपणा अपराध अर पापों की वजै से मुरयां लोगु का जन छा, तब वेन यीशु मसीह का द्‍वारा अपणु प्यार हम पर परगट कैरी, अर हमतै वेका दगड़ा मुरदो मा बटि ज्यून्द कैरिके हमतै नयू जनम देई अर वेकी बड़ी किरपा से हम बचि ग्यां।

1 थिस्सलुनीकी 2:19

अर फिर हमरि आस को कारण तुम ही त छाँ, किलैकि प्रभु यीशु का औण तक अगर जु तुम बिस्वास मा बणयां रैल्या त वेका समणि हिम्मत से खड़ा ह्‍वेल्या। तब तुम ही हम खुणि वु इनाम ह्‍वेल्या जौं तैं देखि के हमतै बड़ु गर्व होलु, अर तब हमरि खुशी को कुई ठिकाणु नि होलु।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 1:16

अर मि प्रार्थना करदु, कि उनेसिफुरुस का घौर मा रौण वळा सब लोगु पर परमेस्वर कि दया हो, किलैकि जब मि बेड़ियों मा कैद होयुं छौ, तब उ मितैं मिलण से नि सरमै। पर उ बार-बार मितैं मिलणु कू ऐ अर वेन मेरी हिम्मत भि बढै।

2 तीमुथियुस 1:17

अर जब उ रोम नगर मा छौ, त वेन मितैं बड़ी मुस्किलन खुजै अर मि बटि मिली।

2 तीमुथियुस 4:12

अर तुखिकुस भै तैं मिन इफिसुस नगर मा भेज्यूं च।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

1 पतरस 1:10

अर बचयै जाण का बारा मा पुरणा जमना मा परमेस्वर का रैबर्यों न भौत लगन लगै के खोजबीन कैरी, अर वेतैं जनण की कोसिस भि कैरी। अर ऊंन वीं किरपा का बारा मा भविष्यबाणी कैरी, ज्वा कि तुम पर होण वळी छै।

दिब्य दरस 2:1

तब यीशु न मिकू बोलि कि, “इफिसुस नगर मा रौण वळा बिस्वासी समुदाय का दूत खुणि इन लिख कि: “यीशु जैका दैंणा हाथ मा सात गैंणा छिन, अर जु सोने की सात दीपदानों का बीच मा चलदु च उ इन बुल्दु कि: