2 तीमुथियुस 1:10 - Garhwali

¹⁰ पर जब हमरु बचौण वळु यीशु मसीह ईं दुनियां मा ऐ, तब वेन परमेस्वर की किरपा हम पर परगट कैरी अर वेन ही मौत की ताकत को नास कैरी। अर जथगा भि लोगु न वेका शुभ समाचार तैं अपणा जीवन मा स्वीकार कैरी, वेन ऊं लोगु तैं परमेस्वर का दगड़ा मा सदनि को जीवन जीण को मौका दियाली।

गढवली नयो नियम

¹⁰ पर अब हमारो उद्धारकर्ता, यीशु मसीह ए गै, जु हम पर अपड़ी कृपा दिखांद। वेल मौत की सभि शक्ति तैं हरै दींनि, अर हम तैं शुभ सन्देश अर अनन्त जीवन कु एक रस्ता दिखै।

2 तीमुथियुस 1:10 ပူးပေါင်းရင်းမြစ်များ

लूका 11:36

इलै अगर जु तेरु पूरु सरील उज्याळा मा च अर वेको कुई भि अंग अन्धेरा मा नि हो, त तू यू जाणि ले कि यू सभि अंग इन चमकला जन वे बगत होन्दु, जब द्‍यू अपणी चमक का द्‍वारा त्वेतै उज्याळु देन्दु।”

लूका 13:7

तब वेन बगिचा का माली कू बोलि, ‘मि तीन साल बटि ये तिमला का डाळा पर फल खुज्याणु खुणि औणु छौं, पर अभि तक मितैं कुछ नि मिली। पर सुण, अब इन कैर कि ये डाळा तैं काटी दे, किलैकि यू फालतु मा हमरि जमीन घेरणु च।’

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

यूहन्ना 1:9

अर सच्‍चु उज्याळु जु हरेक मनखि तैं उज्याळु देन्दु, उ दुनियां मा औण वळु छौ।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 4:42

तब ऊ लोग वीं जनानि बटि बुलण लगि गैनी, “अब हम तेरा बुलयां पर ही बिस्वास नि करद्‍यां, किलैकि हमुन अफि सुण्यालि, अर यू भि जाण्यालि कि सच्‍चि मा यूई मनखि दुनियां तैं छुटकारा देण वळु च।”

यूहन्ना 5:40

फिर भि तुम सदनि को जीवन पौण कू मि मू नि औण चन्द्‍यां।

खास चेलों 13:23

अर जु करार परमेस्वर न कैरी छौ वेन वेतैं पूरु करणु खुणि राजा दाऊद का वश मा बटि इस्राएली लोगु खुणि छुटकारा देण वळा यीशु तैं भेजि।

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

1 कुरिन्थि 15:26

अर सबसे आखिरी मा जै दुसमन को नास किये जाण वा मौत च।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

2 कुरिन्थि 5:4

अर जबरि तक हम दुनियां वळा सरील मा रौन्द्‍यां, तबरि तक हमरा मथि बड़ु बोझ च अर हम पीड़ाळ कड़ौणा रौन्द्‍यां। अर हम इन नि बोन्‍नु छां कि हम ये सरील तैं छुड़ण चन्द्‍यां, बल्किन मा हम त स्वर्ग वळा सरील तैं पौण चन्द्‍यां, ताकि जु नास होण वळु सरील च वेतैं सदनि को जीवन मिली सैको।

गलातियों 5:4

अर तुम मा बटि जथगा भि लोग नियम-कानूनों को पालन करण का द्‍वारा परमेस्वर की नजर मा धरमी होण की कोसिस कना छिन, अर यीशु मसीह पर बिस्वास नि करदिन त मि तुमतै बतै देन्दु कि तुम सब वेसे अर परमेस्वर की किरपा से भि दूर ह्‍वे ग्यां।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

इफिसुस 1:9

अर पिता परमेस्वर न हमतै अपणी छिपी मनसा का बारा मा बतै, अर ईं बात से खुश ह्‍वे कि उ यीशु मसीह का द्‍वारा अपणी इच्छा तैं पूरि करलु।

2 थिस्सलुनीकी 2:8

अर जब पाप को पुत्र परगट होलु, त उ शैतान का द्‍वारा दिईं ताकत से आलु। अर हरेक किसम का झूठ्‍ठा चमत्कारिक चिन्‍न, अर अदभुत काम कैरिके दिखालु। अर पाप का पुत्र को विणास होण से पैलि उ यू सब कुछ करलु। मगर जब प्रभु यीशु दुबरा आलु, त अपणा औण की ताकत से वेतैं अपणी फूकळ ही नास कैरी द्‍यालु।

2 तीमुथियुस 1:1

हे मेरा भै-बैंणो मि पौलुस छौं, अर मितैं परमेस्वर न अपणी इच्छा का मुताबिक यीशु मसीह खुणि खास चेला ठैरै के चुण्यालि। अर मि या चिठ्‍ठी तीमुथियुस खुणि लिखणु छौं, जु कि मेरा प्रिय नौना का जन च। अर जु लोग यीशु मसीह पर बिस्वास करदिन, ऊंतैं जीवन देण को करार परमेस्वर को कर्युं च। अर येका बारा मा बतौणु खुणि ही परमेस्वर न मितैं चुणी के भेज्यूं च। तीमुथियुस मि प्रार्थना करदु कि, पिता परमेस्वर अर हमरु प्रभु यीशु मसीह अपणी किरपा, दया अर शान्ति त्वेतै देणु रौ।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

तीतुस 2:11

किलैकि सब मनखियों तैं बचौणु खुणि ही परमेस्वर की किरपा परगट किये गै।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

तीतुस 3:4

पर जब हमतै बचौणु वळा परमेस्वर की दया अर वेकू प्यार सब लोगु पर परगट ह्‍वे,

इब्रानी 10:32

हे मेरा भै-बैंणो, अपणा पुरणा दिनों तैं याद कैरा, जब तुमुन परमेस्वर का उज्याळा तैं अपणा जीवन मा पै छौ अर वे बगत मा ईं दुनियां का द्‍वारा जु कुछ भि तुमुन सै वेका बदला मा तुमुन हार नि माणी, बल्किन मा बिस्वास मा बणयां रयां।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

2 पतरस 2:20

अर या बात सच्‍च च, कि अगर ऊ लोग हमरा प्रभु अर छुटकारा देण वळा यीशु मसीह का बारा मा पूरा ज्ञान का द्‍वारा दुनियां की अशुद्ध चीजों से बचण का बाद, अगर फिर से दुनियां का कामों मा ही लगि जनदिन, त या बात साफ ह्‍वे जान्दी कि अब ऊंकी हालत पैलि से भि जादा खराब ह्‍वे जान्दी।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

2 पतरस 3:2

ताकि तुम परमेस्वर का पवित्र रैबर्यों का द्‍वारा पैलि बटि बुलयां वचन तैं याद कैरा। अर हमरा परमेस्वर अर बचौण वळा प्रभु की आज्ञाओं तैं जु कि तुमतै खास चेलों का द्‍वारा दिये गैनी, ऊं सब बातों तैं अपणा ध्यान मा रखा।

1 यूहन्ना 1:2

हाँ, उई च जु कि ईं दुनियां मा परगट ह्‍वे, अर हमुन वेतैं देखि, अर हम वेका बारा मा गवै देन्द्‍यां। अर हम तुमतै सदनि का जीवन का बारा मा बतौणा छां जु कि पैलि पिता परमेस्वर का पास छौ, अर अब हम पर परगट किये गै।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।

दिब्य दरस 18:1

अर येका बाद मिन स्वर्ग बटि एक और स्वर्गदूत तैं उतरद देखि जैका पास एक बड़ु अधिकार छौ। अर वेकी चमक से धरती पर उज्याळु ह्‍वे गै।

दिब्य दरस 2:7

“कन्दूड़ खोली के सुणी ल्या अर ईं बात तैं समझा कि पवित्र आत्मा बिस्वासी समुदाय का लोगु खुणि क्या च बोन्‍नु, जु जीत हासिल करलु, मि वेतैं जीवन देण वळा डाळा को फल खाणु कू द्‍यूलु, जु कि स्वर्ग मा परमेस्वर का पास च।”

दिब्य दरस 20:14

अर येका बाद मौत अर अधलोक तैं भि आग का कुण्ड मा डळै गै अर या ही दुसरि मौत च।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।