2 थिस्सलुनीकी 3:4 - Garhwali

⁴ अर तुम लोगु का बारा मा हमतै परमेस्वर पर पूरु बिस्वास च, कि जु कुछ भि हम लोगु न तुमतै सिखै, वु सब बात तुम मनणा छाँ अर हमेसा मनणा रैल्या।

गढवली नयो नियम

⁴ अर हम तैं प्रभु मा तुम पर भरोसो च, कि जु-जु हम ल तुम तैं कनु कु बोलि, ऊं तैं तुम मंणदां छ्यां अर अगनैं भि मंणदि रैल्या।

2 थिस्सलुनीकी 3:4 ပူးပေါင်းရင်းမြစ်များ

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

रोमियों 15:14

हे मेरा प्यारा भै-बैंणो, मितैं पूरु यकीन च कि तुम लोग दुसरो की भलै करण जणदा छाँ, इख तक कि तुमतै पूरु ज्ञान च अर यू सब कनकै किये जाण यू भि तुम जणदा ही छाँ। इलै तुम दुसरा लोगु तैं शिक्षा दे सकद्‍यां।

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।

1 कुरिन्थि 7:19

किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

2 कुरिन्थि 2:3

अर मिन या चिठ्‍ठी तुमकु ईं बात का खातिर लिखी, कि जब मि औलु त कखि इन नि हो कि जौं लोगु से मितैं खुशी मिलण चयेणी ऊंकी वजै से मि उदास ह्‍वे जौं, किलैकि मितैं ईं बात पर यकीन च कि जौं बातों से तुमतै खुशी मिलदी, ऊं ही बातों से मितैं भि खुशी मिलदी।

2 कुरिन्थि 2:9

अर जब मिन तुमकु पैलि चिठ्‍ठी लिखी छै त वामा मिन ईं बात का बारा मा इलै लिखी छौ, ताकि मितैं पता चलु कि तुम सब बातों मा आज्ञा को पालन करदा छाँ, कि ना।

2 कुरिन्थि 8:22

अर येका दगड़ा-दगड़ि हम एक और बिस्वासी भै तैं ऊंका दगड़ा मा भेजणा छां। अर मिन कई बार प्रभु खुणि ये मनखि का काम तैं देखि, अर मितैं वेका बारा मा पता च कि उ प्रभु कि सेवा मा मदद करणु खुणि हमेसा तयार रौन्दु। अर उ भि ईं बात तैं जणदु च कि तुम लोग ये दान तैं दुसरा बिस्वासी लोगु का समणि देण चाणा छाँ, अर यू आदिम यों दुई भैयों का दगड़ा मा औणु खुणि भौत खुश च।

गलातियों 5:10

पर मितैं तुम पर पूरु यकीन च तुम जु प्रभु पर बिस्वास करद्‍यां, मि जणदु छौं कि अगर कुई तुमतै इन्दरि शिक्षा द्‍यालु, त तुम लोग ऊं बातों पर बिस्वास नि करिल्या। अर जु कुई तुमतै इन्द्रया विचारों से भरमै द्‍यालु, त परमेस्वर ऊंतैं जरुर दण्ड द्‍यालु।

फिलिप्पी 1:6

अर मितैं ईं बात पर पूरु यकीन च कि जै परमेस्वर न तुमरा भितर अच्छा काम की शुरुवात कैरी, उई तब तक तुमरा भितर काम कनु रालु जब तक यीशु मसीह को वापस औण को दिन ऐ नि जौ।

फिलिप्पी 2:12

इलै हे मेरा प्यारा भै-बैंणो, मि जणदु छौं कि जब मि तुमरा दगड़ा छौ त तुम हमेसा से आज्ञा को पालन करदी औणा छाँ। अर अब जब मि तुम से दूर छौं, इलै अब या बात और भि जादा ध्यान रखण वळी ह्‍वे जान्दी कि तुम ऊं सब बातों को पालन और भि जादा कैरा, जु कि बिस्वासी लोगु खुणि सही छिन जैतैं पिता परमेस्वर न बचैयालि।

1 थिस्सलुनीकी 4:10

अर सच्‍चि मा तुम पूरा मकिदुनिया मुलक का सब बिस्वासी लोगु बटि उन्‍नि प्यार करद्‍यां। मगर फिर भि मेरा भै-बैंणो, हम तुमतै समझै देन्द्‍यां, कि तुम एक-दुसरा बटि और भि जादा प्यार कैरा।

2 थिस्सलुनीकी 3:12

अर इन्द्रया लोगु तैं हम प्रभु यीशु मसीह का द्‍वारा दियां अधिकार से आज्ञा देन्द्‍यां, अर समझौद्‍यां कि ऊ चुपचाप काम कैरिके अपणा खाणुक खुणि खुद ही पैसा कमा।

2 थिस्सलुनीकी 3:6

हे मेरा भै-बैंणो, हम प्रभु यीशु मसीह का द्‍वारा दियां अधिकार से तुमतै आज्ञा देन्द्‍यां, कि बिस्वासी लोगु मा जु अळकसि छिन अर हमरि दिईं शिक्षा को पालन नि करदिन, ऊंका दगड़ा मा नि रा।

फिलेमोन 1:21

अर मि या चिठ्‍ठी ये यकीन से लिखणु छौं, कि तू मेरी बात तैं जरुर मणिली। अर मि यू भि जणदु छौं, कि जु कुछ भि मि लिखणु छौं तू वेसे भि जादा बढी के करली।