2 थिस्सलुनीकी 3:16 - Garhwali

¹⁶ अब हम इन प्रार्थना करद्‍यां, कि शान्ति देण वळु प्रभु हरेक बात मा तुमतै शान्ति द्‍यो अर तुमरा दगड़ा मा रौ।

गढवली नयो नियम

¹⁶ मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

2 थिस्सलुनीकी 3:16 ပူးပေါင်းရင်းမြစ်များ

मत्ती 1:23

अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्‍याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

लूका 2:14

“स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”

यूहन्ना 14:27

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

रोमियों 15:33

मि तुम सभ्यों खुणि इन प्रार्थना करदु कि शान्ति देण वळु परमेस्वर तुम सभ्यों का दगड़ा मा रौ। आमीन।

रोमियों 16:20

अर शान्ति देण वळु परमेस्वर जल्द ही शैतान तैं तुमरा खुटा का तौळ कैरी दयालु। अर मि इन प्रार्थना करदु, कि हमरा प्रभु यीशु मसीह की किरपा तुमरा दगड़ा मा बणि रौ।

1 कुरिन्थि 14:33

किलैकि परमेस्वर गड़बड़ी कन वळु परमेस्वर नि च, बल्किन मा शान्ति को परमेस्वर च। जन कि पवित्र लोगु का समुदाय मा भि होन्दु,

2 कुरिन्थि 13:11

हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

इफिसुस 6:23

अर मि इन प्रार्थना करदु, कि पिता परमेस्वर अर प्रभु यीशु मसीह की तरफा बटि तुमतै शान्ति मिलु। अर तुम सब एक-दुसरा से प्यार करण मा अर बिस्वास मा हरेक दिन बढदी जा।

1 थिस्सलुनीकी 3:11

हम पिता परमेस्वर अर यीशु मसीह से इन प्रार्थना करद्‍यां कि हम तुम बटि जल्द से जल्द मिली सैका, अर यां खुणि प्रभु हमरि मदद कैरो।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

2 थिस्सलुनीकी 3:18

अर हम इन भि प्रार्थना करद्‍यां, कि हमरा प्रभु यीशु मसीह की किरपा तुम सभ्यों पर होणी रौ।

2 तीमुथियुस 4:22

मि प्रार्थना करदु, कि प्रभु तेरा दगड़ा मा रौ, अर तुम सभ्यों पर वेकी किरपा होणी रौ।

फिलेमोन 1:25

हे मेरा भै-बैंणो, मि इन प्रार्थना करदु, कि हमरा प्रभु यीशु मसीह की किरपा तुम सभ्यों पर होणी रौ। आमीन।

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।