2 थिस्सलुनीकी 3:15 - Garhwali

¹⁵ पर तभि भि वेतैं दुसमन नि समझा, पर एक बिस्वासी भै समझि के सीखा।

गढवली नयो नियम

¹⁵ तौ भि वे दगड़ी इन बरतौ नि कैरा जन कि उ तुम्हरो दुश्मन हो, पर भैय समझी के समझावा बुझावा।

2 थिस्सलुनीकी 3:15 ပူးပေါင်းရင်းမြစ်များ

मत्ती 18:15

अर यीशु न ऊंकू इन भि बोलि, “अगर जु तेरु भै या बैंण तेरा खिलाप मा कुछ अपराध करदु, त वेतैं अकेला मा लि जैके वेका अपराध तैं बतौ जु कि ऊंन कैरी। अर अगर उ तेरी बात तैं मणदु, त इन समझि जा कि तिन वेतैं फिर से वापस पयेलि।

1 कुरिन्थि 4:14

हे मेरा प्यारा भै-बैंणो, मि तुमतै सरमसार करणु खुणि यू सब बात नि लिखणु छौं, बल्किन मा अपणा प्यारा बच्‍चा समझि के तुमतै चितौणु छौं।

1 कुरिन्थि 5:5

अर उ आदिम जैन गळत काम कैरी, वेतैं अपणा समुदाय का बीच बटि बेदखल कैरिके शैतान का हवाला कैरी द्‍या, ताकि उ अपणा पाप से पस्ताप कैरो। अर अगर उ पस्ताप करलु, त वे दिन उ बचि जालु जब प्रभु न्याय करलु।

2 कुरिन्थि 10:8

अर कुछ हद तक मि वे अधिकार पर बड़ु मोन कैरी सकदु छौं, जु कि प्रभु यीशु न मितैं तुमरा फैदा का खातिर दियूं च, अर उ तुमरा नुकसान खुणि नि च। इलै मि वे अधिकार को इस्तेमाल करणु खुणि कभि पिछनै नि हटलु अर ना ही सरम मैसूस करलु।

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

2 थिस्सलुनीकी 3:13

पर हे मेरा भै-बैंणो, तुम भलै करण मा नि थका।

2 थिस्सलुनीकी 3:6

हे मेरा भै-बैंणो, हम प्रभु यीशु मसीह का द्‍वारा दियां अधिकार से तुमतै आज्ञा देन्द्‍यां, कि बिस्वासी लोगु मा जु अळकसि छिन अर हमरि दिईं शिक्षा को पालन नि करदिन, ऊंका दगड़ा मा नि रा।

तीतुस 3:10

जु मनखि एक-दुसरा का बीच मा लड़ै-झगड़ा करौन्दिन, ऊंतैं एक-दुई बार समझै दे, अर फिर ऊं बटि कुई मतलब ही नि रख।