2 थिस्सलुनीकी 3:10 - Garhwali

¹⁰ अर जब हम तुमरा दगड़ा मा छा, त हमुन तुमतै एक बात सिखै छै, कि अगर कै की काम-धाम करण कि इच्छा नि हो, त वेतैं खाणु भि नि खाण चयेणु।

गढवली नयो नियम

¹⁰ किलैकि जब हम तुमारा इख छा तभि यु आज्ञा तुम तैं दींदां छा कि जु कुई काम नि कन चौ त खांणु भि नि खौ।

2 थिस्सलुनीकी 3:10 ပူးပေါင်းရင်းမြစ်များ

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 16:4

अर यू बात मिन तुमतै इलै बतैनि, ताकि जब उ बगत आलु त तुमतै याद ऐ जौ, कि मिन यू सब पैलि ही तुमतै बतैयालि छौ। अर मिन यू बात शुरु बटि इलै नि बतैनि, किलैकि मि तुमरा दगड़ा मा छौ।”

खास चेलों 20:18

अर जब इफिसुस नगर का बिस्वासी समुदाय का अध्यक्ष पौलुस का पास ऐनी। तब वेन ऊंकू बोलि, “सुणा, जब मि पैलि-पैलि बार आसिया मुलक मा ऐ छौ, त वे दिन बटि ही लेके मि तुमरा बीच मा हमेसा कै तरीके से रौंऽऽ, येका बारा मा तुम सब अच्छी तरौं से जणद्‍यां छाँ।

1 थिस्सलुनीकी 3:4

अर या सच्‍चि बात च कि जब हम तुमरा दगड़ा मा छा, त हमुन पैलि ही बोलियालि छौ कि हमतै दुख-तकलीफ झिलण ही पोड़लि। अर उन्‍नि ह्‍वे अर यू सब तुम जणदा ही छाँ।

1 थिस्सलुनीकी 4:11

अर जन हमुन तुमतै आज्ञा दे छै, ठिक उन्‍नि तुम एक-दुसरा तैं बिना तकलीफ दियां अपणु जीवन बसर कैरा। अर अपणा-अपणा काम-काजों मा लग्यां रा, अर अपणा हाथोंळ की मेनत खुद कमै कैरिके अपणु जीवन ज्यां।

2 थिस्सलुनीकी 2:5

अर जब मि तुमरा दगड़ा मा छौ, त यू सब बात मिन तुमतै बतै छै, क्या वु तुमतै याद नि च?