2 थिस्सलुनीकी 2:7 - Garhwali

⁷ अर वेन पाप का पुत्र तैं तब तक रोकी के रख्युं च, जब तक की उ वेका बाटा बटि हटये नि जौ। अर या बात सच्‍चि भि च, कि शैतान लुकि-छिपी के लोगु का बीच मा काम कनु च, ताकि लोग परमेस्वर का नियम-कानूनों तैं अपणा जीवनों मा स्वीकार नि कैरी सैका।

गढवली नयो नियम

⁷ वे दुष्ट शैतान की अधर्म का भेद की सामर्थ अभि भि ईं दुनिया मा गुप्त ढंग से काम कनी च, जु कुई वे तैं रोकि सकद; अर उ लगातार वे तैं रोकि के रखलो जब तक की वे तैं रस्ता बट्टी नि हटै द्यो।

2 थिस्सलुनीकी 2:7 ပူးပေါင်းရင်းမြစ်များ

खास चेलों 20:29

अर मि जणदु छौं कि, मेरा जाण का बाद लोग खतरनाक भेड़िया का जन तुमरा बीच मा आला, अर गळत शिक्षा देके बिस्वासी समुदाय तैं भरमै द्‍याला।

2 थिस्सलुनीकी 2:6

अर अब तुम वेका का बारा मा जणदा ही छाँ, कि जैन वे पाप का पुत्र तैं रोकी के रख्युं च, ताकि जब तक परमेस्वर का द्‍वारा ठैर्युं बगत नि ऐ जौ, तब तक उ परगट नि ह्‍वे सकदु।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।

1 यूहन्ना 4:3

मगर जु आत्मा यीशु तैं नि मणदु, त ईं बात तैं जाणि ल्या कि इन्द्रयो आत्मा पिता परमेस्वर की तरफा बटि नि च। अर इन्द्रयो मनखि वे आत्मा का कब्जा मा च, जैका बारा मा तुमुन सुणी छौ कि उ औण वळु च, बल्किन मा उ त ईं दुनियां मा च। हे मेरा दगड़्यों, यू उई च जु कि यीशु मसीह को दुसमन च।

दिब्य दरस 17:5

अर वीं वेश्या का माथा पर इन लिख्यूं छौ कि, “राज बड़ु नगर बेबीलोन, वेश्याओं अर धरती की गन्दी चीजों तैं जनम देण वळो की माँ।”

दिब्य दरस 17:7

पर वे स्वर्गदूत न मिकू बोलि, “तू हैरान किलै होणी छैई? मि त्वेतै वीं जनानि का राज का बारा मा बतौलु, अर वे दैंत का राज का बारा मा भि बतौलु जैका सात मुण्ड़ अर दस सींग छिन।