2 थिस्सलुनीकी 2:14 - Garhwali

¹⁴ अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

गढवली नयो नियम

¹⁴ पिता परमेश्वर ल वे शुभ सन्देश कु इस्तेमाल कैरी, जै तैं हम ल तुम तैं उद्धार दींण कु तुम्हरा बीच मा प्रचार कैरी, कि तुम हमारा प्रभु यीशु मसीह की महिमा मा भागिदार बंणि सका।

2 थिस्सलुनीकी 2:14 ပူးပေါင်းရင်းမြစ်များ

मत्ती 25:21

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

यूहन्ना 17:22

अर जन आदर-सम्मान तुमुन मितैं देई, उई मिन ऊंतैं दियाली ताकि जन हम दुई एक छां, ठिक उन्‍नि ऊ भि एक ह्‍वे जा।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

रोमियों 2:16

अर यू सब कुछ आखिरी का दिन मा होलु, जब पिता परमेस्वर यीशु मसीह का द्‍वारा लोगु का गुप्‍त कामों को न्याय करलु। अर जै शुभ समाचार को परचार मि करदु उ यू ही च।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

1 थिस्सलुनीकी 1:5

किलैकि हमुन तुमतै जु शुभ समाचार सुणै वु सब केवल बुलण वळी बात ही नि छै, बल्किन मा वु सामर्थ का काम तुमरा बीच मा भि ह्‍वे छिन। अर वु सब काम पवित्र आत्मा का छा, अर पवित्र आत्मा न ही यां को परमाण दिनी कि यू शुभ समाचार सच्‍चु च। अर तुम खुद ही जणद्‍यां, कि तुमरि मदद का खातिर हमरु व्यौहार तुमरा बीच मा कन्द्रयो छौ।

2 तीमुथियुस 2:12

अर अगर जु हम यीशु मसीह का दगड़ा मा सबर रखी के दुख उठाणा रौला, त वेका दगड़ा मा राज भि करुला। अर अगर जु हम वेतैं स्वीकार नि करुला, त उ भि हमतै स्वीकार नि करलु।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

दिब्य दरस 21:23

वे नगर तैं उज्याळु देणु खुणि सूरज अर चाँद की जरुरत नि च, किलैकि परमेस्वर को तेज वेतैं उज्याळु देन्दु, अर यीशु वेको द्‍यू च।

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।