2 थिस्सलुनीकी 1:8 - Garhwali

^8-10 अर जब यीशु वापस आलु, त वेका अपणा लोग वेको बड़ु आदर-सम्मान करला अर वे खुणि ताजुब करला, किलैकि जु वचन हमुन तुमतै बतै वे पर तुमुन बिस्वास कैरी। इलै तुम भि ऊं पवित्र लोगु का दगड़ा मा सामिल ह्‍वे जैल्या, मगर जु बिस्वास नि करदिन वु लोग वे दिन पर प्रभु का समणि अर वेकी महानता मा बटि दूर किये जाला, अर सदनि का विणास को दण्ड पाला। किलैकि ऊंन हमरा प्रभु यीशु का बारा मा वेकी ईं अच्छी खबर तैं नि माणी, अर ना ही हमरा परमेस्वर तैं पछ्याणदिन। अर जब यीशु वापस आलु, तब यू सब कुछ होलु।

गढवली नयो नियम

⁸ अर जु पिता परमेश्वर तैं नि पछयंणदींनि, अर जु हमारा प्रभु यीशु का शुभ सन्देश तैं स्वीकार नि करदींनि ऊं तैं दंड दयालो।

2 थिस्सलुनीकी 1:8 ပူးပေါင်းရင်းမြစ်များ

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

यूहन्ना 3:19

अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

यूहन्ना 8:19

अर ऊंन यीशु तैं पूछी, “तेरु पिता कख च?” तब यीशु न जबाब देई, “नऽ त तुम मितैं जणद्‍यां अर ना ही मेरा पिता तैं। अगर जु तुम मितैं जणदा, त मेरा पिता तैं भि जणदा।”

खास चेलों 6:7

अर इनकै परमेस्वर को वचन और भि जादा फैलदी गै, अर यरूशलेम नगर मा बिस्वासी लोगु की गिनती और भि जादा ह्‍वे गै। अर भौत सा पुरोहितों न बिस्वास कैरी अर यू भि ऊंका दगड़ा मा मिली गैनी।

रोमियों 1:28

अर जब ऊं लोगु न अपणा मन मा परमेस्वर का ज्ञान तैं रखण खूब नि समझि, त परमेस्वर न भि ऊंतैं ऊंका भ्रष्‍ट मन का हाल पर ही छोड़ दिनी, ताकि वु बुरा काम करण पर ही लग्यां रा।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

रोमियों 10:16

पर सभ्यों न शुभ समाचार तैं स्वीकार नि कैरी। जन कि परमेस्वर को रैबर्या यशायाह भि बुल्दु। वेन बोलि छौ कि, “हे मेरा प्रभु, कैन हमरा रैबार पर बिस्वास कैरी?”

रोमियों 15:18

पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

2 कुरिन्थि 10:5

अर मि तुमतै बतै देन्दु कि बिस्वासी लोगु तैं धोखा देण खुणि जौं बातों को इस्तेमाल वु लोग करदिन, वु पूरि तरौं से गळत छिन। अर जब वु अपणी बातों का द्‍वारा परमेस्वर का ज्ञान को विरोध करदिन, तब हम ऊंका विचारों को नास परमेस्वर का वचन का द्‍वारा करद्‍यां। अर ऊंकी सोच तैं बदलि के उन्‍नि बणौन्द्‍यां जन यीशु मसीह चान्दु।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

गलातियों 4:8

हे मेरा भै-बैंणो, पैलि जब तुम परमेस्वर तैं नि जणदा छा, त वे बगत तक तुम ऊंका गुलाम छा जु कि असल मा ईश्‍वर छैई ही नि छिन।

1 थिस्सलुनीकी 4:5

अर बिस्वास नि करण वळा लोगु, का जन सरील का गळत सम्बन्ध रखण की इच्छा नि रखा जु की परमेस्वर तैं नि जणदिन।

इब्रानी 10:27

फिर त सिरफ एक ही बात रै जान्दी न्याय को होण अर खतरनाक आग मा जाण को दण्ड अर यू ऊ छिन जु कि पिता परमेस्वर का दुसमनों को नास कैरी देन्दिन।

इब्रानी 10:30

किलैकि हम जणदा छां, कि परमेस्वर न इन बोलि कि, “बदला लेण मेरु काम च, मि खुद ही ये काम तैं करलु।” अर फिर इन भि बोलि कि, “प्रभु अपणा लोगु को न्याय करलु।”

इब्रानी 11:8

अर बिस्वास का द्‍वारा ही पितर अब्राहम तैं जब परमेस्वर का द्‍वारा बुलये गै, त वु आज्ञा माणी के वीं जगा कू निकळि, जिं जगा को वु हकदार होण वळु छौ। हालांकि वु नि जणदु छौ कि वु कख जाणु मगर फिर भि वु चलि गै।

इब्रानी 12:29

किलैकि हमरु परमेस्वर भसम करण वळी आग च।

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

1 पतरस 3:6

जन कि हमरा पितर अब्राहम की घरवळी सारा, ज्वा कि अपणा पति कू स्वामी बुल्दी छै, अर वेकी आज्ञा को पालन करदी छै, ठिक उन्‍नि तुम भि भलै का काम कैरा अर कै से नि डौऽरा, ताकि तुम भि सारा की औलाद ठैरि सैका।

1 पतरस 4:17

किलैकि अब न्याय को वु बगत ऐ गै, जब पिता परमेस्वर सबसे पैलि अपणा लोगु को न्याय करलु। इलै जब न्याय कि शुरुवात सबसे पैलि हम बटि होण, त सोचा, ऊं लोगु को क्या जि हाल होलु जौन परमेस्वर का शुभ समाचार तैं स्वीकार नि कैरी?

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

यहूदा 1:7

हे मेरा भै-बैंणो, मि तुमतै यू भि याद दिलौण चान्दु कि जन सदोम, अमोरा अर वेका आस-पास का नगरों का लोग गळत सम्बन्ध रखण वळा ह्‍वे गै छा, इख तक की उखा लोग अपणा सरील की इच्छा तैं पूरु करण खुणि एक बैख दुसरा बैख का दगड़ा मा सरील का गळत सम्बन्ध रखण लगि गै छा। तब वे बगत मा पिता परमेस्वर न ऊं नगरों को कभि नि बुझण वळी आग का द्‍वारा नास कैर दिनी, अर आज वु सब हम सभ्यों खुणि सदनि खुणि एक उदारण बणि गैनी।

दिब्य दरस 20:10

तब शैतान तैं जैन ऊं लोगु तैं भरमै छौ परमेस्वर का द्‍वारा वीं आग अर गंधक का कुण्ड मा डळै गै, जख दैंत अर झूठ्‍ठा रैबर्या तैं डळै गै छौ। अर उख ऊ दिन-रात हमेसा-हमेसा खुणि पीड़ा मा तड़पणा राला।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

दिब्य दरस 6:10

अर यों आत्माओं न ऊँची आवाज मा इन बोलि, “हे सबसे महान पिता परमेस्वर, तुम जु कि पवित्र अर सच्‍चा छाँ, आखिर तुम कब न्याय करिल्या, अर धरती पर रौण वळो बटि कब तक हमरि हत्या को बदला नि लि ल्या?”