2 पतरस 2:14 - Garhwali

¹⁴ त यों का आंखा हमेसा इन्दरि जनानि कि ताक मा रौनदिन, जिं का दगड़ा मा यू गळत काम कैरी सैका। अर इन कैरिके यों का आंखा पाप करण खुणि ही लग्यां रौनदिन। अर यू लोग चंचल मन वळो तैं भरमै देन्दिन, अर यों का मन मा भौत लालच भोरयूं च। असल मा यू वु लोग छिन जौं पर असगार पोड़्यूं च।

गढवली नयो नियम

¹⁴ उ हर एक जनन दगड़ी व्यभिचार कन चयदींनि, जै तैं उ दिखदींनि। उ पाप कना का मौका खुजंण से कभी नि चुकदींनि। उ कमजोर आत्माओं तैं लुभोदींनि अर ऊं लुखुं तैं धोखा दींदिनि जु मसीह पर मजबूत विश्वास नि करदींनि, अर उ ऊं तैं पाप का तरपां लिजांद। ऊंका जादा से जादा चीजों तैं पांणु कु हमेशा बढ़ण वला लालच का कारण पिता परमेश्वर ऊं तैं दण्ड दयालो।

2 पतरस 2:14 ပူးပေါင်းရင်းမြစ်များ

मत्ती 12:34

हे गुरौ का बच्‍चों, तुम त बुरा छाँ, त फिर तुम अच्छी बात कनकै बोलि सकद्‍यां? किलैकि जु कुछ मन मा भोरयूं होन्दु, मनखि का गिच्‍चा बटि उई निकळदु।

मत्ती 23:14

[हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, तुम लोगु तैं दिखौणु खुणि लम्बी-लम्बी प्रार्थना करद्‍यां, अर विधवा जनानियों तैं धोखा देके ऊंका घौरों तैं लूटी देन्दयां, इलै सुणा, तुमतै भौत बड़ु दण्ड मिललु।]

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 5:28

पर मि तुमतै बतै देन्दु कि, हरेक उ मनखि जु कै दुसरि जनानि तैं गळत नजर से दिखदु, त वेन अपणा मन मा वींका दगड़ा गळत सम्बन्ध बणैनी।

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।

यूहन्ना 5:44

तुम जु एक-दुसरा बटि आदर-सम्मान पौण चन्द्‍यां, पर उ आदर-सम्मान जु केवल परमेस्वर की तरफा बटि मिलदु च वेतैं नि चन्द्‍यां, त फिर तुम कनकै मि पर बिस्वास कैरी सकदा छाँ।

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

1 कुरिन्थि 11:19

फिर तुमरा बीच मा दल को होण भि जरुरी च, ताकि इन पता चलि जौ कि कु-कु छिन जु कि खरै से चलणा छिन।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

कुलुसी 2:18

मेरा दगड़्यों, चौकस रा, कखि कुई मनखि अपणी झूठ्‍ठी शिक्षा का द्‍वारा तुमतै पिता परमेस्वर से मिलण वळा इनाम से बेदखल नि कैरी द्‍यो, किलैकि झूठ्‍ठु मनखि लोगु तैं दिखौणु खुणि दीन बणदु अर स्वर्गदूतों की पूजा करण की बात सिखौन्दु, अर उ इन जोर देन्दु कि तुम भि ठिक इन्‍नि कैरा। अर इन्द्रया झूठ्‍ठा लोग बुलला कि ऊंन पिता परमेस्वर से सुपन्या मा दरसन का द्‍वारा यू ज्ञान पै, इलै ऊ अपणा विचारों पर बड़ु मोन करदिन, मगर सच्‍चै त या च कि ऊंका मनों मा यू विचार परमेस्वर की तरफा बटि नि छिन।

याकूब 1:8

किलैकि इन्द्रया मनखि को मन एक बात पर नि लग्यूं रौन्दु, अर उ अपणी सब बातों मा टिक्यूं नि रौन्दु।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

2 पतरस 3:16

जन कि वेन भि अपणी सब चिठ्‍ठी मा यों ही बातों का बारा मा लिख्यूं च, अर ऊं बातों मा बटि कुछ बातों तैं बिंगण बड़ु कठिन च। अर जौं लोगु तैं ज्ञान नि च, अर जु लोग चंचल छिन वु वेकी चिठ्‍ठी का शब्दों को मतलब तैं बिगाड़ि देन्दिन। अर जु बात पवित्रशास्‍त्र का दुसरा भागों मा भि लिखीं छिन, ऊं बातों का दगड़ा मा यू लोग इन्‍नि करदिन। अर इन कैरिके वु अपणा ही खुटों पर कुल्हड़े कि चोट मारी देन्दिन।

1 यूहन्ना 2:16

किलैकि दुनियां की तरफा बटि सरील कि बुरी इच्छा, आंख्यों की बुरी इच्छा, अपणा जीवन पर बड़ु मोन करण वळी बात ही औन्दिन, अर यू सब बात ईं दुनियां मा छिन। अरे, इन्दरि बात पिता परमेस्वर की तरफा बटि नि ऐ सकदिन, बल्किन मा यू त दुनियां तरफा बटि औन्दिन।

यहूदा 1:11

अर हाय च यों लोगु खुणि, किलैकि यू कैन का बाटा पर चलण लगि गैनी, जैन अपणा ही भै तैं मारी दिनी। अर रुपयों का लालच मा बिलाम की तरौं धोखा देन्दिन, अर कोरह का जन बगाबत कैरिके नास ह्‍वे गैनी।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।