2 पतरस 2:10 - Garhwali

¹⁰ अर खास कैरिके ऊं लोगु तैं जु अपणा सरील तैं बुरा कामों मा लगौन्दिन, अर परमेस्वर का अधिकार तैं सुद्‍दी समझदिन, परमेस्वर न ऊंतैं दण्ड खुणि रख्युं च। अर यू झूठ्‍ठा गुरु अपणु मोन बड़ु कैरिके रखदिन, अर स्वर्गदूतों की बेजती करण से भि पिछनै नि हटदिन।

गढवली नयो नियम

¹⁰ पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।

2 पतरस 2:10 ပူးပေါင်းရင်းမြစ်များ

लूका 11:25

तब उ वापिस ऐके वे घौर तैं साफ-सुत्रो अर सज्युं-धज्युं पौन्दु।

लूका 19:14

पर वे नगर का लोग ये मनखि बटि नफरत करदा छा, इलै वेका पीठ पिछनै लोगु न वे खुणि यू रैबार भेजि कि, ‘हम नि चन्द्‍यां कि यू हम पर राज कैरो।’

खास चेलों 23:5

अर वेन बोलि, “अरे भैयों, मितैं पता नि छौ कि यू महा पुरोहित छिन, निथर मि इन नि बुल्दु। किलैकि पवित्रशास्‍त्र मा इन लिख्यूं च कि, “तुम लोग अपणा अधिकारीयों खुणि, भलु-बुरु नि बुलयां।”

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

2 कुरिन्थि 10:3

अर भले ही हम भि ईं दुनियां मा ही रौन्द्‍यां, मगर फिर भि हम अपणा फैदा खुणि लड़ै नि करद्‍यां।

इफिसुस 4:19

अर ऊ सुनपट पोड़यां छिन, अर ऊंन खुद तैं गळत चाल-चलन का हवाला कैरियाली, ताकि हर तरौं का गळत काम कैरी सैका, अर गळत कामों तैं करण की इच्छा मा और भि जादा बढदी जां।

इफिसुस 5:5

किलैकि तुम ईं बात का बारा मा भौत अच्छे से जणद्‍यां, कि गळत सम्बन्ध रखण, अर पवित्र जीवन नि जीण, लालच, यू सब मूरत पूजा करण का बराबर च, अर इन्द्रया लोगु की यीशु मसीह अर पिता परमेस्वर का राज मा कुई जगा नि च।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

1 थिस्सलुनीकी 4:7

किलैकि परमेस्वर न हमतै अशुद्ध कामों खुणि ना, बल्किन मा पवित्र होणु खुणि बुलयूं च।

2 तीमुथियुस 3:2

किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।

तीतुस 1:7

किलैकि कै भि देख-रेख करण वळा तैं परमेस्वर का कर्ता-धर्ता होण खुणि निरदोष होण चयेणु। अर उ अडियल नि हो, नऽ त गुस्सा करण वळु, अर ना दरोळया, अर ना ही झगड़ा करण वळु, अर वेतैं गळत कमै को लालच करण वळु नि होण चयेणु,

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

2 पतरस 3:3

अर सबसे पैलि तुमतै ईं बात का बारा मा जनण चयेणु, कि आखिरी का दिनों मा मजाक उड़ौण वळा लोग आला, अर वु अपणी बुरी इच्छाओं का मुताबिक अपणु जीवन चलला।

यहूदा 1:10

पर यू लोग जौं बातों का बारा मा नि जणदिन ऊं बातों की बुरै करदिन। अर एक मूरख जानबर की तरौं समझ रखी के खुद खुणि नास होण को कारण बणणा छिन।

यहूदा 1:16

अर यू वु लोग छिन जु कि हर बात मा सिकैत करदिन, अर दुसरो का दोष खुज्यौदिन। अर अपणी बुरी इच्छाओं का मुताबिक अपणा जीवन तैं चलदिन अर अपणी बातों पर बड़ु मोन करदिन, अर अपणा फैदा खुणि दुसरा लोगु की चापलूसी भि करदिन।

यहूदा 1:18

ऊंन तुमकु बोलि छौ कि, “आखिरी का बगत मा मजाक उड़ौण वळा आला, जु अपणी बुरी इच्छाओं का मुताबिक चलला।”

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।