2 पतरस 1:8 - Garhwali

⁸ अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।

गढवली नयो नियम

⁸ जु यु सब बात तुम मा छिनी अर बढ़दी जौं त यु तुम तैं हमारा प्रभु यीशु मसीह का ज्ञान मा उपयोगी अर फलदार हूंण मा मदद करली।

2 पतरस 1:8 ပူးပေါင်းရင်းမြစ်များ

मत्ती 13:22

अर झिबलांणो मा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का वचन तैं सुणदा त छिन, मगर ईं दुनियां मा जीवन की चिन्ता-फिकर, अर धन-दौलत को लालच वे वचन तैं दबै देन्दिन, इलै वे पर फल नि लगदिन।

मत्ती 20:3

अर सुबेर नौ बजी का लगभग वु मालिक फिर से घौर बटि निकळि, अर वेन देखि की कुछ मजदूर लोग बजार मा सुद्‍दी खड़ा होयां छिन,

मत्ती 20:6

अर रुमुक का बगत करीब पांच बजी उ फिर घौर बटि भैर निकळि, अर वेन कुछ और लोगु तैं खड़ु होयुं देखि। अर वेन ऊंकू बोलि, ‘तुम लोग पूरा दिन-भर इख बेकार किलै खड़ा रयां?’

मत्ती 25:26

तब वे मालिक न वेतैं जबाब दिनी, ‘हे दुष्‍ट अर अळकसि नौकर, जब त्वेतै पता छौ, कि मि उख लवै करदु जख मिन बूति नि च, अर जख मिन बीज नि छिलारी उख बटि बटोल्दु छौं,

यूहन्ना 15:2

अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

यूहन्ना 5:42

पर मि तुमरा बारा मा जणदु छौं, कि तुमरा मनों मा पिता परमेस्वर खुणि प्यार नि च।

रोमियों 12:11

अर तुम लोग मेनत करण मा अळकसि नि बणा, बल्किन मा आत्मिक खुशी से भरपूर रा, अर प्रभु की सेवा कना रा।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

2 कुरिन्थि 8:2

मकिदुनिया का दुसरा लोगु न बिस्वासी लोगु तैं भौत दुख देई। हालांकि यू बिस्वासी लोग गरीब छिन, मगर फिर भि ऊं लोगु न दुसरा बिस्वासी लोगु की मदद हमेसा दिल खोली के कैरी।

2 कुरिन्थि 8:7

अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

2 कुरिन्थि 9:14

अर वु तुम से भौत प्यार करदिन, इलै वु तुम खुणि प्रार्थना करला, अर इन वु इलै करला किलैकि वु जणदा छिन कि तुम पर पिता परमेस्वर की बड़ी किरपा होईं च।

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

फिलिप्पी 2:5

हे मेरा दगड़्यों, जन मसीह यीशु को सभौ छौ, ठिक उन्‍नि तुमरो भि हो।

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

कुलुसी 2:7

अर एक डाळा का जन मसीह मा जड़ पकड़दी अर बढदी जा। अर जिं शिक्षा का बारा मा तुमतै सिखये गै, वेका मुताबिक बिस्वास मा मजबूत होन्दी जा। अर हरेक बात मा परमेस्वर को धन्यवाद देणा रा।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

1 थिस्सलुनीकी 3:12

अर जन हम तुम बटि प्यार करद्‍यां, ठिक उन्‍नि तुम भि एक-दुसरा बटि प्यार कैरा अर तुमरो यू प्यार सभ्यों खुणि जादा से जादा बढदी जौ। अर हम प्रार्थना करद्‍यां की इन होणु खुणि प्रभु तुमरि मदद कैरो।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

1 तीमुथियुस 5:13

अगर इन्दरि विधवाओं की मदद होलि, त वु अळकसि ह्‍वे जालि। इथगा ही ना पर उ बेमतलब मा घौर-घौर घूमी के एक-दुसरे की छुईं ही लगाली। अर जु-जु बात बोन्‍न ठिक नि होनदिन वु सब बात यू बोललि।

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

फिलेमोन 1:6

अर मि इन प्रार्थना करदु, कि बिस्वास की ज्वा संगत तू दुसरा लोगु का दगड़ा मा रखदी, वेका द्‍वारा त्वेतै या बात भौत अच्छे से पता चलु कि यीशु मसीह पर बिस्वास करण से हम लोगु तैं क्या-क्या अच्छी आसीस मिलदिन।

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।

2 पतरस 1:2

अर मि इन प्रार्थना करदु, कि तुम सभ्या का सभि पिता परमेस्वर अर यीशु मसीह का ज्ञान मा बढदी जा, अर वेकी किरपा अर वेकी शान्ति तुम सभ्यों पर जादा से जादा होणी रौ। आमीन।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

2 पतरस 2:20

अर या बात सच्‍च च, कि अगर ऊ लोग हमरा प्रभु अर छुटकारा देण वळा यीशु मसीह का बारा मा पूरा ज्ञान का द्‍वारा दुनियां की अशुद्ध चीजों से बचण का बाद, अगर फिर से दुनियां का कामों मा ही लगि जनदिन, त या बात साफ ह्‍वे जान्दी कि अब ऊंकी हालत पैलि से भि जादा खराब ह्‍वे जान्दी।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।