2 पतरस 1:13 - Garhwali

¹³ अर जबरि तक मि ज्यून्दु छौं, तबरि तक मेरु यू फरज बणदु कि तुमतै याद दिलै-दिलै के मजबूत कनु रौंऽऽ अर या ही बात मितैं खूब लगदी।

गढवली नयो नियम

¹³ मि जंणदु छो कि जब मि अभि ज्यूँदो छो त यु ठिक च ऊंका बारा मा तुम बट्टी अक्सर बात कनु रौ, कि तुम ऊं तैं भूल नि जावा।

2 पतरस 1:13 ပူးပေါင်းရင်းမြစ်များ

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

फिलिप्पी 3:10

अर मि बस इथगा ही चान्दु छौं, कि मि यीशु मसीह तैं अर वेका मुरदो मा बटि ज्यून्द होण की ताकत तैं जाणि सैकु। अर जु दुख अर मौत वेन सै वेमा मि भि भागी ह्‍वे सैकु,

2 तीमुथियुस 1:6

इलै मि त्वेतै याद दिलै देन्दु, कि जब मिन तेरा मुण्ड़ मा हाथ रखी के प्रार्थना कैरी छै, तब परमेस्वर न जु दान-बरदान त्वेतै दिनी ऊंको इस्तेमाल आग सुलगौण की तरौं कैरा।

इब्रानी 13:3

अर जु बिस्वासी लोग कैद मा छिन ऊंकी मदद कैरा, इन सोचा कि तुम भि ऊंका दगड़ा कैद मा छाँ। अर जौं बिस्वासी लोगु का दगड़ा मा बुरु बरतौ होणु च, ऊंतैं याद रखा अर इन मैसूस कैरा, जन कि तुम खुद ऊंका दगड़ा मा दुख झिलणा छाँ।

2 पतरस 1:12

हालांकि तुम यों सब बातों तैं जणदा ही छाँ, अर जु सच्‍चु वचन तुमतै मिल्यूं च, तुम वेमा मजबूत भि किये ग्यां, मगर फिर भि मि तुमतै यों सब बातों की याद दिलौणु छौं ताकि तुम हमेसा तयार रा।

2 पतरस 1:14

किलैकि मि यों बातों तैं जणदु छौं कि अब ये सरील तैं छोड़ि के जाण को बगत नजदीक ऐ गै। अर यू सब त मि इलै बोन्‍नु छौं, किलैकि यू सब प्रभु यीशु मसीह न मि पर परगट कैरियाली।

2 पतरस 3:1

हे मेरा प्यारा भै-बैंणो, मि तुम खुणि या दुसरि चिठ्‍ठी लिखणु छौं। अर जन मिन अपणी पैलि चिठ्‍ठी मा लिखी छौ, ठिक उन्‍नि ईं चिठ्‍ठी मा भि कुछ बातों तैं लिखी के मि तुमरि सोच तैं साफ रखण चान्दु। अर तुमतै काबिल बणाण चाणु छौं,