2 यूहन्ना 1:6 - Garhwali

⁶ अर प्यार को मतलब इन च कि हम परमेस्वर की आज्ञाओं को पालन कैरा। अर या वा ही आज्ञा च जिं का बारा तुमुन पैलि बटि सुणी छौ अर तुमतै वेका मुताबिक ही चलण चयेणु।

गढवली नयो नियम

⁶ पिता परमेश्वर को सचो प्रेम यु च कि हम वेकी आज्ञाओं का अनुसार जीवन तैं जियां; वे बगत बट्टी तुम ल मसीह कु आज्ञा को पालन कन शुरू कैरी जब बट्टी तुम ल सूंणि की पिता परमेश्वर ल आज्ञा दीं च कि तुम तैं सदनी एक दुसरा बट्टी प्रेम कन चयणु च।

2 यूहन्ना 1:6 ပူးပေါင်းရင်းမြစ်များ

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

यूहन्ना 14:21

अर जु कुई मेरी आज्ञाओं तैं स्वीकार कैरिके वेका मुताबिक चलदु च, उई मि बटि प्यार करदु। अर जु मि बटि प्यार करदु, वे बटि मेरु पिता भि प्यार करदु। अर मि भि वे बटि प्यार करलु, अर अपणु दरसन वेतैं दिखौलु।”

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 15:14

“अर अगर जु तुम मेरी आज्ञाओं का मुताबिक चलिल्या, त तुम मेरा दगड़्या छाँ।

1 यूहन्ना 2:24

अर जब बटि तुमुन बिस्वास कैरी, तब बटि तुमुन जु कुछ भि सुणी तुम वेमा बणयां रा। अर जु कुछ भि तुमुन सुणी अगर जु तुम वेमा बणयां रैल्या, त पुत्र अर वेका पिता मा बणयां रैल्या।

1 यूहन्ना 2:5

मगर कुई मनखि पिता परमेस्वर की आज्ञा को पालन करदु, त उ अपणा पूरा दिल से वेसे प्यार करदु। अर यां से इन पता चलदु कि हमरु पिता परमेस्वर का दगड़ा मा कथगा सच्‍चु रिश्ता च।

1 यूहन्ना 2:7

हे मेरा प्यारा दगड़्यों, मि तुमतै कुई नई आज्ञा नि देणु छौं, बल्किन मा वा ही आज्ञा देणु छौं ज्वा कि तुमतै पैलि बटि मिली छै, अर या आज्ञा पुरणि ही च, जिं का बारा मा तुमुन बिस्वास करण का बगत मा सुणी छौ।

1 यूहन्ना 5:15

अर अगर हम इन जणदा छां, कि जु कुछ भि हम वेसे मंगद्‍यां त उ हमरि सुणदु, तब हम ईं बात तैं जणद्‍यां कि जु कुछ भि हमुन वेसे मांगि वु हमतै मिली गै।

1 यूहन्ना 5:3

किलैकि परमेस्वर को प्यार यां मा ही च कि हम वेकी आज्ञाओं को पालन कैरा, अर वेकी आज्ञा को पालन करण कुछ जादा कठिन नि च।

2 यूहन्ना 1:5

हे मेरी बैंण, अब मि त्वेतै कुई नई आज्ञा नि देणु, बल्किन मा मि त्वेतै वीं ही आज्ञा का बारा मा लिखणु छौं, ज्वा कि शुरुवात बटि हमतै मिली च, अर मि त्वेसे बिन्ती करदु कि हम एक-दुसरा का दगड़ा मा प्यार से रा।