2 कुरिन्थि 9:14 - Garhwali

¹⁴ अर वु तुम से भौत प्यार करदिन, इलै वु तुम खुणि प्रार्थना करला, अर इन वु इलै करला किलैकि वु जणदा छिन कि तुम पर पिता परमेस्वर की बड़ी किरपा होईं च।

गढवली नयो नियम

¹⁴ उ तुम कु पिता परमेश्वर बट्टी प्रार्थना करला। उ तुम बट्टी प्रेम करदींनि, किलैकि उ जंणदा छिनी कि पिता परमेश्वर ल तुम लुखुं पर बड़ी कृपा कैरी।

2 कुरिन्थि 9:14 ပူးပေါင်းရင်းမြစ်များ

लूका 16:9

अर मि तुम बटि बोन्‍नु छौं कि, ‘दुनियां की दौलत का छौन्द तुम अफु खुणि दगड़्या बणैल्या, ताकि जब वा दौलत खतम ह्‍वे जौ, त ऊ तुमरो स्वागत सदनि का घौर मा करला।’

रोमियों 1:11

किलैकि मितैं तुम बटि मिलण कि भौत मनसा च, ताकि तुमतै परमेस्वर की तरफा बटि कुई आसिरबाद दे सैकु, ज्यां से कि तुम और भि जादा मजबूत ह्‍वे जा।

2 कुरिन्थि 1:11

अर हम तुम पर भि भरोसा करद्‍यां, किलैकि तुम लोग हम खुणि प्रार्थना करद्‍यां, किलैकि पिता परमेस्वर प्रार्थनाओं को जबाब देन्दु अर हमतै संकट से बचौन्दु। तब भौत सा लोग हमरा खातिर परमेस्वर को धन्यवाद द्‍याला।

2 कुरिन्थि 8:1

हे मेरा भै-बैंणो, अब मि तुमतै पिता परमेस्वर की वीं किरपा का बारा मा बतौण चाणु छौं, ज्वा वेन मकिदुनिया मुलक मा रौण वळा बिस्वासी समुदाय का लोगु का जीवनों मा कैरी।

2 कुरिन्थि 9:13

अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

2 कुरिन्थि 9:15

अर हमरा प्रभु यीशु का खातिर पिता परमेस्वर को धन्यवाद हो, जैको बखान हम शब्दों मा नि कैरी सकद्‍यां।

फिलिप्पी 1:8

अर ईं बात का बारा मा परमेस्वर मेरु गवा च, कि मि तुम सभ्यों बटि मिलणु खुणि कथगा तड़पदु। अर दया कैरिके जन प्यार यीशु न कैरी, ठिक उन्‍नि मि भि तुम से करदु।

फिलिप्पी 2:26

अर तुमुन इपफ्रुदीतुस भै का बारा मा सुणी कि वु भौत बिमारि च। हाँ, या बात सच्‍चि च कि उ भौत बिमार ह्‍वे गै छौ, इख तक कि उ मुरण वळु छौ, मगर पिता परमेस्वर न वे पर दया कैरी, बस वे पर ही ना बल्किन मा मि पर भि ताकि मितैं और भि जादा दुख नि झिलण पोड़ो। अर अब इपफ्रुदीतुस भै तुम से मिलणु खुणि भौत बेचेन च अर तरसणु च।

फिलिप्पी 4:1

हे मेरा प्यारा भै-बैंणो, मेरु मन तुम लोगु से मिलण को भौत करदु, किलैकि मि तुम से भौत प्यार करदु। अर मि तुम से बिन्ती करदु कि तुम प्रभु का पिछनै इन्‍नि चलणा रा अर यां मा ही मेरी खुशी च, किलैकि तुम लोग मि खुणि एक मुकुट का रुप मा इनाम छाँ।

1 तीमुथियुस 1:14

अर मि पर प्रभु की किरपा भरपूरी से ह्‍वे, अर ईं किरपा का दगड़ा मा मितैं बिस्वास अर प्यार भि मिली, अर यू यीशु मसीह का दगड़ा मा जुड़यां रौण से मिली।