2 कुरिन्थि 8:9 - Garhwali

⁹ अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

गढवली नयो नियम

⁹ तुम हमारा प्रभु यीशु मसीह की दया तैं जंणदा छा, कि उ धनी हवे के भि तुम कु कंगाल बंणि गै कि मसीह का कंगाल हूंण ल तुम सभि धनी हवे जावा।

2 कुरिन्थि 8:9 ပူးပေါင်းရင်းမြစ်များ

मत्ती 17:27

पतरस सुण, कखि उ हमतै देखि के खिरसे नि जा, इलै तू जा अर झील का छाला पर बळस डाल, अर जु माछु पैलि लगलु, वेतैं ले अर वेका गिच्‍चा तैं खुलण पर त्वेतै एक चांदी को सिक्‍का मिललु, जु हम दुईयों को कर चुकता कैरी द्‍यालु।”

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

मरकुस 6:3

अरे, यू त बड़ई च, अर मरियम को नौनु च, अर, यू त उई च जैका भै याकूब, योसेस, यहूदा अर शमौन छिन। अर येकी बैंण त इख हमरा बीच मा रौनदिन?” इलै ऊंन यीशु तैं स्वीकार नि कैरी।

लूका 16:11

इलै जब तुम लोग संसार की दौलत मा भरोसा का लैख नि रयां, त सच्‍चु धन तुम मा कैन सौंपण?

लूका 2:7

तब वींन अपणा पैला नौना तैं जनम देई, अर वेतैं कपड़ा मा लपेटि के छन्‍नि की चौंर मा रखी। किलैकि ऊं खुणि धर्मशाळा मा जगा नि छै।

लूका 8:3

अर ऊं मदि योअन्‍ना, ज्वा कि हेरोदेस अन्तिपास का घौर का कर्ता-धर्ता खुजा की घरवळी छै, अर वींका दगड़ा मा सूसन्‍नाह अर भौत सि जनानियां भि छै। अर यू सब अपणी धन-दौलत बटि यीशु अर वेका चेलों की मदद करदी छै।

लूका 9:58

तब यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च, जख उ रुकी के आराम कैरो।”

यूहन्ना 1:10

अर उ दुनियां मा छौ अर दुनियां वेका द्‍वारा ही बणयै गै, पर दुनियां का लोगु न वेतैं नि पछ्याणी।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

यूहन्ना 12:30

तब यीशु न बोलि, “या आवाज मि खुणि ना, बल्किन तुमरा फैदा खुणि ह्‍वे।

यूहन्ना 16:15

अर जु कुछ भि पिता को च उ सब मेरु च, इलै मिन बोलि कि, ‘जु कुछ भि मिन वेतैं बतै वु तुमतै उन्‍नि बतालु।’”

यूहन्ना 17:19

अर ऊंका खातिर मि अफ तैं दे देन्दु, ताकि ऊ भि सच्‍चै का द्‍वारा अफ तैं तुम खुणि दे द्‍या।”

रोमियों 11:12

अर यहूदी लोगु का गळत चलण की वजै से दुसरि जाति का लोगु तैं पिता परमेस्वर की भौत सि आसीस मिली गैनी। अर अगर जु इस्राएली लोग यीशु मसीह पर बिस्वास करला, त पिता परमेस्वर ऊंतैं जरुर आसीस द्‍यालु अर वु भि पैलि से भि जादा।

रोमियों 15:3

किलैकि यीशु मसीह न जु कुछ भि कैरी, वु सब कुछ खुद तैं खुश करणु खुणि नि कैरी बल्किन मा परमेस्वर की मनसा तैं पूरु करणु खुणि सबर रखी के सब कुछ सै, जन कि भजन संहिता मा लिख्यूं च कि, “हे परमेस्वर, लोगु न तुमरो अपमान कैरी मगर ऊंन तुमरो ना, बल्किन मा मेरु अपमान कैरी।”

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।

रोमियों 8:32

अर यू सच्‍च च कि पिता परमेस्वर न हमरि खातिर अपणा पुत्र तैं भि नि छोड़ि, बल्किन मा वेन वेतैं भि हमरि खातिर दे दिनी, त वु ही परमेस्वर हमतै यीशु मसीह का दगड़ा मा सब कुछ द्‍यालु।

1 कुरिन्थि 1:4

हे मेरा भै-बैंणो, मि तुमरा खातिर अपणा पिता परमेस्वर को धन्यवाद हमेसा करदु, किलैकि परमेस्वर की या किरपा तुम पर यीशु मसीह का द्‍वारा ह्‍वे।

1 कुरिन्थि 15:47

अर पैलु मनखि आदम धरती को च जैतैं माटाळ बणयै गै, अर दुसरो मनखि यीशु मसीह च जु कि स्वर्ग बटि ऐ।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।

दिब्य दरस 3:18

इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।