2 कुरिन्थि 8:7 - Garhwali

⁷ अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

गढवली नयो नियम

⁷ पर जन हर बात मा मतलब विश्वास, शिक्षा दींणै की क्षमता, ज्ञान अर सब ढंग की कोशिश मा, अर वे प्रेम मा, जु हम बट्टी रखदां, बढ़दी जणदां, उन ही गरीब विश्वासियों कु दान का काम मा भि बढ़दी जावा।

2 कुरिन्थि 8:7 ပူးပေါင်းရင်းမြစ်များ

मत्ती 25:22

“अर जै नौकर तैं दुई हजार सिक्‍का मिल्यां छा, वेन भि मालिक का पास ऐके बोलि, ‘साब, तुमुन मितैं दुई हजार सिक्‍का दे छा। अर इख देखा, मिन दुई हजार सिक्‍का और कमैनि।’

रोमियों 15:14

हे मेरा प्यारा भै-बैंणो, मितैं पूरु यकीन च कि तुम लोग दुसरो की भलै करण जणदा छाँ, इख तक कि तुमतै पूरु ज्ञान च अर यू सब कनकै किये जाण यू भि तुम जणदा ही छाँ। इलै तुम दुसरा लोगु तैं शिक्षा दे सकद्‍यां।

1 कुरिन्थि 1:5

अर अब जब तुम वेका पास ऐ ग्यां, त पिता परमेस्वर न यीशु मसीह का द्‍वारा तुमतै हरेक बात मा काबिल बणैयालि, याने कि अब वेन तुमतै वचन सिखौण की पूरि ताकत, अर वेतैं बिंगणु खुणि ज्ञान भि दियाली।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 13:2

अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

1 कुरिन्थि 14:12

अर तुम लोग जु कि पूरा जोस से पवित्र आत्मा का बरदान तैं पौण की मनसा करद्‍यां, यों बरदानों से भरपूर होण की पूरि कोसिस कैरा, ताकि बिस्वासी समुदाय का लोगु की तरक्‍की ह्‍वे सैको।

1 कुरिन्थि 4:7

क्या तुम लोग दुसरा लोगु का मुकाबला मा जादा जानकार छाँ? अर तुमरा पास इन्द्रयो क्या च जु कि तुमतै दुसरा मनखि से अलग करदु? अर जु कुछ भि तुमरा पास च उ सब कुछ पिता परमेस्वर की तरफा बटि ही मिल्यूं च। अर जब यू सब कुछ तुमतै परमेस्वर न देई त फिर तुमरा मोन इथगा जादा किलै चड़यां रौनदिन?

2 कुरिन्थि 7:7

अर तीतुस को हमरा पास औण से हमतै बड़ी खुशी मिली, अर वेसे बड़ी खुशी या च कि तुम लोगु न वेकी हिम्मत बढै। हाँ, किलैकि वेन हमतै बतै कि तुम लोग मितैं दिखणु खुणि तड़पणा छाँ, अर कुछ भि ह्‍वे वां खुणि तुमतै दुख च अर अब तुम लोग वफादार ह्‍वे ग्यां, इलै ईं बात से मितैं बड़ी खुशी मिलदी।

2 कुरिन्थि 8:6

इलै हमुन तीतुस भै तैं जैन ये दान तैं इकट्‍ठा करण को काम तुमरा बीच मा शुरु कैरी छौ, मिन वेसे बिन्ती कैरी कि वु फिर से तुमरा बीच मा ऐके वेतैं पूरु कैरो।

2 कुरिन्थि 9:14

अर वु तुम से भौत प्यार करदिन, इलै वु तुम खुणि प्रार्थना करला, अर इन वु इलै करला किलैकि वु जणदा छिन कि तुम पर पिता परमेस्वर की बड़ी किरपा होईं च।

2 कुरिन्थि 9:8

अर पिता परमेस्वर तुमतै हरेक चीज दे सकदु च ज्यां कि तुमतै जरुरत च। अर इन वु इलै करलु, ताकि तुम और भि जादा दिल खोली के दे सैका अर भलै का काम तुमरा द्‍वारा और भि जादा किये जा।

इफिसुस 4:29

अर कुई भि गळत बात तुमरा गिच्‍चा बटि नि बुले जौ, पर सिरफ इन्दरि बात ही बुले जौ जु बगत का मुताबिक दुसरा लोगु की हिम्मत बढौणु खुणि अच्छी हो, ताकि वेका द्‍वारा सुनण वळो की भलै हो।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

2 थिस्सलुनीकी 1:3

हे मेरा भै-बैंणो, तुमरो बिस्वास भौत बढणु च, अर ठिक उन्‍नि तुमरो प्यार भि एक-दुसरा खुणि बढदी जाणु च। इलै हम खुणि यू जरुरी च कि हम तुमरा खातिर पिता परमेस्वर को धन्यवाद हमेसा कैरा, अर हमतै करण भि चयेणु अर यू जरुरी भि च।

2 तीमुथियुस 2:1

हे मेरा नौना तीमुथियुस, तू यीशु मसीह की किरपा मा मजबूत ह्‍वे जा।

इब्रानी 12:28

इलै अब जब हम इन्द्रया राज तैं पौण वळा छां, जु कभि भि हिली नि सकदु, त आ, हम परमेस्वर को धन्यवाद कैरा अर वेकी बातों तैं माणा अर वेको आदर-सम्मान कैरा, अर परमेस्वर की इन सेवा कैरा ज्यां से वु खुश ह्‍वे जौ।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

दिब्य दरस 3:17

किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।