2 कुरिन्थि 8:23 - Garhwali

²³ अर अगर तीतुस भै का बारा मा कुई भि सवाल च, त मि तुमतै बतै देन्दु कि वु मेरु मददगार च अर सेवा का काम मा इमानदार मनखि। अर वेका दगड़ा मा जु दुई भै औणा छिन ऊ बिस्वासी समुदाय का लोगु का द्‍वारा भिजे जाण छिन। अर यू दुईया का दुई यीशु मसीह की सेवा का द्‍वारा वेतैं आदर-सम्मान देन्दिन।

गढवली नयो नियम

²³ जु कुई तीतुस का बारा मा पूछो, त उ मेरू दगड़िया च, अर तुम कु मेरू सहकर्मी प्रेरित च, अर जु हमारा विश्वासी भयों का बारा मा पूछो, जु उ मण्डलियों तैं भिज्यां छिनी अर ऊंको जीवन मसीह की महिमा कु च।

2 कुरिन्थि 8:23 ပူးပေါင်းရင်းမြစ်များ

लूका 5:10

अर ठिक उन्‍नि शमौन का दगड़्या याकूब अर यूहन्‍ना भि हकदक रै गैनी अर याकूब अर यूहन्‍ना जबदी का नौना छा। तब यीशु न शमौन कू बोलि, “डौऽर ना, मि त्वेतै मनखियों तैं पकड़ण वळु बणौलु।”

लूका 5:7

तब ऊंन अपणा दगड़्यों तैं जु कि दुसरि नाव पर छा इसारा कैरिके बोलि, “इख ऐके हमरि मदद कैरा।” तब ऊ ऐनी, अर दुई नावों मा इथगा माछा भोरी दिनी की ऊ डुबण लगि गैनी।

यूहन्ना 13:16

अर मि तुम बटि सच्‍चि बोन्‍नु छौं, कि नौकर अपणा मालिक से बड़ु नि होन्दु, अर जैतैं भेज्यूं च उ अपणा भेजण वळा से बड़ु नि होन्दु।

1 कुरिन्थि 11:7

एक बैख तैं अपणु मुण्ड़ नि ढकौण चयेणु, किलैकि परमेस्वर न वेतैं अफ जन ही बणै जन उ खुद च अर अपणी महानता वे पर परगट कैरी, मगर एक जनानि त अपणा पति कि महानता तैं परगट करदी।

2 कुरिन्थि 12:18

अर मिन तीतुस भै तैं समझै-बुझै के तुमरा पास भेजि, अर वेका दगड़ा मा एक और भै तैं भि भेजि त अब मितैं एक बात बता, कि जब तीतुस भै उख पौंछी त क्या वेन तुमरा दगड़ा मा छल-कपट कैरिके तुमतै ठगि? मगर मि अर तीतुस भै हमेसा तुम सभ्यों खुणि बड़ी इमानदारी से काम करद्‍यां।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

2 कुरिन्थि 8:18

अर मि तीतुस भै का दगड़ा मा एक और बिस्वासी भै तैं भेजणु छौं। अर यू उ च जैन शुभ समाचार तैं फैलाण मा जै तरीके से काम कैरी, वां खुणि बिस्वासी समुदाय का लोग वेकी बड़ी तारीफ करदिन।

2 कुरिन्थि 8:19

अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

2 कुरिन्थि 8:22

अर येका दगड़ा-दगड़ि हम एक और बिस्वासी भै तैं ऊंका दगड़ा मा भेजणा छां। अर मिन कई बार प्रभु खुणि ये मनखि का काम तैं देखि, अर मितैं वेका बारा मा पता च कि उ प्रभु कि सेवा मा मदद करणु खुणि हमेसा तयार रौन्दु। अर उ भि ईं बात तैं जणदु च कि तुम लोग ये दान तैं दुसरा बिस्वासी लोगु का समणि देण चाणा छाँ, अर यू आदिम यों दुई भैयों का दगड़ा मा औणु खुणि भौत खुश च।

2 कुरिन्थि 8:6

इलै हमुन तीतुस भै तैं जैन ये दान तैं इकट्‍ठा करण को काम तुमरा बीच मा शुरु कैरी छौ, मिन वेसे बिन्ती कैरी कि वु फिर से तुमरा बीच मा ऐके वेतैं पूरु कैरो।

फिलिप्पी 2:25

पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

1 थिस्सलुनीकी 2:2

जन कि तुम जणदा छाँ कि फिलिप्पी नगर मा हमुन भौत पीड़ा सै, अर हमरि बेजती भि किये गै। मगर परमेस्वर न हमतै हिम्मत देई, अर विरोध होण का बाद भि हम तुमरा पास अयां, अर तुमरा नगर मा औण पर भि हमरा दगड़ा मा ठिक इन्‍नि ह्‍वे। पर फिर भि हमुन तुमतै परमेस्वर को शुभ समाचार सुणै।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

तीतुस 1:4

अर तीतुस या चिठ्‍ठी मि त्वे खुणि लिखणु छौं, किलैकि हम दुईया का दुई एक ही प्रभु पर बिस्वास करद्‍यां। इलै तू मेरा सच्‍चा नौना का जन छैई। अर मि प्रार्थना करदु कि, पिता परमेस्वर अर हमतै बचौण वळा प्रभु यीशु मसीह की किरपा अर शान्ति त्वेतै मिलु।

फिलेमोन 1:17

इलै अगर जु तू मितैं अपणु खास दगड़्या समझदी, त उनेसिमुस तैं भि उन्‍नि स्वीकार कैर जन तिन मितैं स्वीकार कैरी छौ।

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

3 यूहन्ना 1:8

इलै हमरु यू फरज च कि हम सेवक लोगु की मदद कैरा, ताकि हम लोग भि सच्‍चै का काम मा हिस्सेदार बणि सैका।