2 कुरिन्थि 8:20 - Garhwali

²⁰ अर बिस्वासी लोगु न ये दान तैं दिल खोली के दियूं च, इलै हमुन इन सोची कि तीतुस भै का दगड़ा मा वे भै तैं भि भेजि द्‍या। अर इन कैरिके हम इन कोसिस कन चाणा छां कि कुई भि मनखि हम पर दान लेण को दोष नि लगै सैको।

गढवली नयो नियम

²⁰ हम ईं बात मा चौकस रां, कि तीतुस का दगड़ी वे विश्वासी दगड़िया तैं भिजणा का द्वारा यु उदारता का काम का बारा मा जै की सेवा हम करदा, कुई हम पर भंगार नि लगौंण पौ।

2 कुरिन्थि 8:20 ပူးပေါင်းရင်းမြစ်များ

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

रोमियों 14:16

इलै ईं बात को ध्यान रखा, कखि जु तुमतै अच्छु लगणु च, उ दुसरा लोगु खुणि बुरी बात नि बणि जौ।

1 कुरिन्थि 16:3

अर जौं लोगु तैं तुम चा ऊंतैं अपणा बीच मा बटि चुणा, ताकि दान ऊं लोगु का द्‍वारा यरूशलेम नगर मा भिजे जौ। अर जब मि तुमरा इख औलु त कुछ चिठ्‍ठीयों तैं लिखी के ऊंका हाथ भेजि द्‍यूलु, ताकि यरूशलेम नगर का बिस्वासी लोग ऊं लोगु की इज्‍जत कैरा।

2 कुरिन्थि 11:12

अर तुमरा बीच मा कुछ लोग इन छिन, जु कि बड़ु मोन कैरिके अफ खुणि इन बुल्दिन कि हम भि यीशु मसीह का खास चेला छां। इलै मिन तुम बटि कै भि किसम को दान नि लिनी, ताकि इन्द्रया लोग तैं मौका नि मिलु कि वु हमरा बराबर छिन।

2 कुरिन्थि 8:19

अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

2 कुरिन्थि 8:21

इलै हम सिरफ ऊं बातों की ही चिन्ता नि करद्‍यां जु प्रभु का समणि भली छिन, पर ऊं बातों की भि चिन्ता करद्‍यां जु कि मनखियों का समणि भली छिन।

इफिसुस 5:15

इलै हे मेरा दगड़्यों, अपणा-अपणा चाल-चलन पर ध्यान द्‍या, मूरख मनखि की तरौं ना, बल्किन मा अकलमन्द मनखियों की तरौं अपणु जीवन ज्या।

1 थिस्सलुनीकी 5:22

पर जु बात बुरी छिन ऊंतैं स्वीकार नि कैरा।