2 कुरिन्थि 8:19 - Garhwali

¹⁹ अर इथगा ही ना, बल्किन मा समुदाय का सब लोगु न येतैं हमरा दगड़ा मा जाण खुणि ठैर्युं च। अर यू भै हमरा दगड़ा मा यरूशलेम नगर तब जालु, जब बिस्वासी भै-बैंणा दान तैं जमा कैरी द्‍याला। अर यू सब हम प्रभु तैं आदर-सम्मान देणु खुणि करणा छां, अर बिस्वासी लोगु का दगड़ा मा इन कैरिके हम ऊंकी मदद करण चाणा छां।

गढवली नयो नियम

¹⁹ अर इथग ही न, पर उ मण्डलि का लुखुं का द्वारा ठैरे भि गै कि यु दान का काम कु हम दगड़ी जौं अर यरूशलेम शहर मा विश्वासियों कु लिए जांणा वला दान की सेवा इलै करदा, कि प्रभु की महिमा अर यु दिखांणु कु कि हम यरूशलेम शहर मा विश्वासियों की मदद कनु कु उत्सुक छा।

2 कुरिन्थि 8:19 ပူးပေါင်းရင်းမြစ်များ

खास चेलों 14:23

अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 15:25

इलै हमुन एक मन ह्‍वेके इन फैसला कैरी, कि कुछ लोगु तैं चुणी के अपणा प्रिय भै बरनबास अर पौलुस का दगड़ा मा तुमरा पास भेजा।

खास चेलों 19:22

इलै पौलुस न अपणा दुई मददगार लोगु तैं याने की तीमुथियुस अर इरास्तुस तैं पैलि मकिदुनिया मुलक मा भेजि दिनी। अर खुद पौलुस कुछ दिनों खुणि आसिया मुलक मा ही रुक्युं रै।

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

रोमियों 5:11

अर अब जब हमरु मेल-जोल प्रभु यीशु मसीह का द्‍वारा पिता परमेस्वर का दगड़ा मा ह्‍वे गै, इलै हमतै ईं बात से बड़ी खुशी होन्दी।

रोमियों 5:3

अर इथगा ही ना, बल्किन मा दुख-तकलीफ का बगत मा भि हम लोग अपणा पिता परमेस्वर पर गर्व कैरा, किलैकि हम जणदा ही छां, कि दुख-तकलीफ झिलण से हमरा जीवन मा सबर रखण को गुण पैदा होन्दु।

2 कुरिन्थि 4:15

अर यू सब कुछ तुम खुणि ही होणु च ताकि जै तरीके से पिता परमेस्वर कि किरपा जादा से जादा लोगु पर होणी च, ठिक उन्‍नि पिता परमेस्वर की तारीफ अर धन्यवाद खुणि लोगु की गिनती और भि बढदी जौ।

2 कुरिन्थि 8:11

अब वे ही जोस का साथ वेतैं पूरु भि कैरा। अर जब तुम इन करिल्या, तब सब लोगु तैं पता चलि जालु कि तुम लोग इन दान देणु खुणि तयार छाँ। अर या बात मि इलै बुलणु छौं, किलैकि तुमुन जमा करण शुरु कैरी छौ अर तुम इथगा लैख छैई भि छाँ च कि तुम यू कैरी सकद्‍यां।

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

2 कुरिन्थि 8:20

अर बिस्वासी लोगु न ये दान तैं दिल खोली के दियूं च, इलै हमुन इन सोची कि तीतुस भै का दगड़ा मा वे भै तैं भि भेजि द्‍या। अर इन कैरिके हम इन कोसिस कन चाणा छां कि कुई भि मनखि हम पर दान लेण को दोष नि लगै सैको।

2 कुरिन्थि 9:2

किलैकि मि जणदु छौं, कि तुम मदद करण खुणि तयार छाँ। अर मि मकिदुनिया नगर का बिस्वासी भै-बैंणो तैं बड़ा मोन कैरिके बतौणु छौं, कि अखया मुलक का बिस्वासी लोग पिछलै एक साल बटि मदद करणु खुणि तयार बैठयां छिन। अर तुमरा ये जोस न ऊंका भितर खुशी पैदा कैरियाली।

2 कुरिन्थि 9:8

अर पिता परमेस्वर तुमतै हरेक चीज दे सकदु च ज्यां कि तुमतै जरुरत च। अर इन वु इलै करलु, ताकि तुम और भि जादा दिल खोली के दे सैका अर भलै का काम तुमरा द्‍वारा और भि जादा किये जा।