2 कुरिन्थि 8:17 - Garhwali

¹⁷ अर तीतुस भै खुद अपणी इच्छा से तुमरा पास औण चाणु छौ, अर जब हमुन वेतैं या बात बतै त वेन तुरन्त “हाँ” बोलि दिनी।

गढवली नयो नियम

¹⁷ कि जब हम ल वे तैं तुम मा जांणु कु बोलि, त वेल हमारा निवेदन कु सम्मान कैरी बल्कि भौत खुश हवे के उ अपड़ी ही इच्छा ल तुम मा ऐ।

2 कुरिन्थि 8:17 ပူးပေါင်းရင်းမြစ်များ

2 कुरिन्थि 12:18

अर मिन तीतुस भै तैं समझै-बुझै के तुमरा पास भेजि, अर वेका दगड़ा मा एक और भै तैं भि भेजि त अब मितैं एक बात बता, कि जब तीतुस भै उख पौंछी त क्या वेन तुमरा दगड़ा मा छल-कपट कैरिके तुमतै ठगि? मगर मि अर तीतुस भै हमेसा तुम सभ्यों खुणि बड़ी इमानदारी से काम करद्‍यां।

2 कुरिन्थि 8:10

अर मि तुमतै इन बतौण चाणु छौं अर मेरी या बात तुमरा फैदे की च, किलैकि पिछलै साल जन तुमुन यहूदिया मुलक का बिस्वासी लोगु की मदद करणु खुणि दान जमा कैरिके वेतैं देण की इच्छा कैरी,

2 कुरिन्थि 8:6

इलै हमुन तीतुस भै तैं जैन ये दान तैं इकट्‍ठा करण को काम तुमरा बीच मा शुरु कैरी छौ, मिन वेसे बिन्ती कैरी कि वु फिर से तुमरा बीच मा ऐके वेतैं पूरु कैरो।

2 कुरिन्थि 8:8

हे मेरा दगड़्यों, इन बोलि के मि तुमतै कुई आदेस नि देणु छौं, बल्किन मा मि तुमरो ध्यान ईं बात पर लगौण चाणु कि तुमरो प्यार कथगा सच्‍चु च अर तुमतै दुसरो की कथगा चिन्ता च।

इब्रानी 13:22

हे मेरा भै-बैंणो मि तुम बटि बिन्ती करदु, कि तुमतै हौसला देण खुणि जु कुछ भि मिन ईं छुटी चिठ्‍ठी मा लिख्यूं च, तुम ऊं सब बातों तैं सबर रखी के स्वीकार कैरा।