2 कुरिन्थि 7:8 - Garhwali

⁸ हालांकि, मेरी पैलि चिठ्‍ठी मा लिखीं बातों न तुमतै दुखी कैरी, पर मितैं वे बगत ईं बात पर कुई अफसोस नि छौ। अर बाद मा मितैं अफसोस ह्‍वे किलैकि चिठ्‍ठी मा लिखी कुछ बातों न तुमतै उदास कैरी दिनी।

गढवली नयो नियम

⁸ मि ईं बात बट्टी नि पछतांदु कि मिल तुम तैं चिठ्ठी लिखीं छै, चाहे यांल तुम दुखी भि हुयां; पैली मि तैं पछतावा हवे छो जब मिल देखि कि यांल तुम तैं थोड़ा बगत कु दुखी कैरेले छो।

2 कुरिन्थि 7:8 ပူးပေါင်းရင်းမြစ်များ

यूहन्ना 16:6

अर मिन यू सब बात जु तुम मा बुलिनी, इलै तुमरो मन बड़ु दुखी ह्‍वे गै।

यूहन्ना 21:17

अर यीशु न तिसरी दौं वेकू बोलि, “हे यूहन्‍ना का नौना शमौन, क्या तू मि बटि प्यार करदी?” तब पतरस तैं दुख ह्‍वे, किलैकि यीशु न तिसरी दौं वे बटि पूछी छौ कि, “क्या तू मि बटि प्यार करदी?” इलै वेन वेकू बोलि, “हे प्रभु, तुम त सब कुछ जणद्‍यां। अर यू भि जणद्‍यां, कि मि तुम बटि प्यार करदु छौं।” तब यीशु न वेकू बोलि, “मेरी भेड़ों तैं चरो।

2 कुरिन्थि 7:11

देखा, परमेस्वर की मनसा का मुताबिक जु दुख तुमतै ह्‍वे वां से तुमरा भितर इथगा इच्छा पैदा ह्‍वे, कि तुमुन खुद पर लग्यां कलंक तैं दूर करण की हिम्मत दिखै। अर अपणी गळती पर तुम सरमसार होयां, अर तुमरा भितर परमेस्वर की डौऽर पैदा ह्‍वे, अर यां की वजै से जु जबरदस्त इच्छा अर जोस तुमरा भितर पैदा ह्‍वे, वेकी वजै से तुमुन अपणी गळती सुधारी अर इन साबित कैरी कि तुम ये मामला मा बेदाग छाँ।

2 कुरिन्थि 7:12

अर ज्वा चिठ्‍ठी मिन पैलि भेजि वा मिन वे आदिम की वजै से नि भेजि छै जैन बुरु काम कैरी छौ, अर ना ही वेकी वजै से लिखी जैका दगड़ा मा अन्यो ह्‍वे छौ। बल्किन मा मिन इलै लिखी छै ताकि परमेस्वर का समणि यू साबित ह्‍वे जौ कि तुम हमरि बात को पालन करणु खुणि कन्दरि इच्छा रखद्‍यां।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

2 कुरिन्थि 7:7

अर तीतुस को हमरा पास औण से हमतै बड़ी खुशी मिली, अर वेसे बड़ी खुशी या च कि तुम लोगु न वेकी हिम्मत बढै। हाँ, किलैकि वेन हमतै बतै कि तुम लोग मितैं दिखणु खुणि तड़पणा छाँ, अर कुछ भि ह्‍वे वां खुणि तुमतै दुख च अर अब तुम लोग वफादार ह्‍वे ग्यां, इलै ईं बात से मितैं बड़ी खुशी मिलदी।

2 कुरिन्थि 7:9

पर अब मि खुश छौं, अर मि खुश इलै नि छौं किलैकि तुम दुखी छा, मगर मि त इलै खुश छौं किलैकि तुमरा वे दुख की वजै से तुमरो जीवन ही बदलि गै। अर तुमरो उदास होण से परमेस्वर खुश ह्‍वे अर तुमतै हमरि वजै से कुई नुकसान नि हो।

दिब्य दरस 3:19

“जौं लोगु से मि प्यार करदु ऊं सभ्यों तैं मि डांटदु अर अनुसासन मा लेके औन्दु, इलै पस्ताप कैरा अर बिस्वास मा गरम ह्‍वे जा।