2 कुरिन्थि 7:7 - Garhwali

⁷ अर तीतुस को हमरा पास औण से हमतै बड़ी खुशी मिली, अर वेसे बड़ी खुशी या च कि तुम लोगु न वेकी हिम्मत बढै। हाँ, किलैकि वेन हमतै बतै कि तुम लोग मितैं दिखणु खुणि तड़पणा छाँ, अर कुछ भि ह्‍वे वां खुणि तुमतै दुख च अर अब तुम लोग वफादार ह्‍वे ग्यां, इलै ईं बात से मितैं बड़ी खुशी मिलदी।

गढवली नयो नियम

⁷ अर न भस वेका आंण से पर वेकी वीं शान्ति बट्टी भि, जु तीतुस तैं तुम्हरी तरपां बट्टी मिली छै; अर वेल तुम्हरी इच्छा, अर तुम्हरा दुःख अर मि कु तुम्हरी धुन कु खबर हम तैं सुणै, ज्यां बट्टी हम तैं अर भि खुश हवे।

2 कुरिन्थि 7:7 ပူးပေါင်းရင်းမြစ်များ

मत्ती 26:75

अर झट पतरस तैं यीशु की बुलिं बात याद ऐ कि, “मैर का बसण से पैलि तू तीन दौं मितैं नकारी दिली।” तब उ भैर जैके भकोरि-भकोरि के रुंण लगि गै।

मत्ती 5:4

“धन्य छिन ऊ, जु शोक मा छिन, किलैकि ऊंतैं शान्ति दिये जालि।

लूका 22:44

अर उ और भि जादा बेचेन अर उचाट ह्‍वेके और भि जादा प्रार्थना करण लगि गै। अर वेकू पसीना ल्वे की बड़ी-बड़ी बुन्दौं की तरौं भ्वीं मा पोड़णु रै।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

रोमियों 1:12

अर जब मि तुम लोगु का बीच मा रौलु, त वे बगत हम आपस मा एक-दुसरा तैं बिस्वास मा और जादा बढौला।

1 कुरिन्थि 5:2

अर तुम ईं बात पर बड़ु मोन करद्‍यां, जब कि तुमतै दुखी होण चयेणु छौ। अर जै आदिम न यू काम कैरी, वेतैं त तुमरा बीच मा बटि बेदखल कर देण चयेणु।

2 कुरिन्थि 1:14

अर मितैं इन भि यकीन च कि तुम लोग मेरा बारा मा थुड़ा भौत जाणि ग्यां, अर पूरि तरौं से जाणि के बड़ु मोन करिल्या। अर जब हमरु प्रभु यीशु मसीह वापस आलु, त वे दिन पर हम तुमतै देखि के बड़ु मोन कैरी सकद्‍यां।

2 कुरिन्थि 1:4

अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

2 कुरिन्थि 2:9

अर जब मिन तुमकु पैलि चिठ्‍ठी लिखी छै त वामा मिन ईं बात का बारा मा इलै लिखी छौ, ताकि मितैं पता चलु कि तुम सब बातों मा आज्ञा को पालन करदा छाँ, कि ना।

2 कुरिन्थि 5:2

अर हम स्वर्ग जाण की इच्छा रखद्‍यां ताकि हमतै स्वर्ग वळु सरील मिली जौ, किलैकि ईं दुनियां का सरील मा हमतै भौत दुख-तकलीफ झिलण पोड़दिन।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

2 कुरिन्थि 7:8

हालांकि, मेरी पैलि चिठ्‍ठी मा लिखीं बातों न तुमतै दुखी कैरी, पर मितैं वे बगत ईं बात पर कुई अफसोस नि छौ। अर बाद मा मितैं अफसोस ह्‍वे किलैकि चिठ्‍ठी मा लिखी कुछ बातों न तुमतै उदास कैरी दिनी।

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

कुलुसी 2:5

अर भले ही मि अभि तुम से दूर छौं, पर मेरु मन तुम पर ही लग्यूं च। अर तुमरा जीवन को अच्छु रंग-ढंग अर मसीह पर तुमरा मजबूत बिस्वास तैं देखि के मि भौत खुश छौं।

1 थिस्सलुनीकी 3:6

मगर तीमुथियुस अभि तुमरा इख बटि ऐ, अर वेन तुमरा बिस्वास अर प्यार का बारा मा हमतै बतै के एक अच्छी खबर सुणै। अर वेन हमतै इन भि बतै, कि तुम लोग हमतै हमेसा बड़ा प्यार से याद करद्‍यां। अर जन हम तुमतै मिलणु कू तड़पद्‍यां, तन्‍नि तुम भि हम बटि मिलणु कू तड़पद्‍यां।

1 थिस्सलुनीकी 3:8

किलैकि जब तक तुम बिस्वास मा मजबूत बणयां रैल्या, तब तक हमरु भि ज्यू मा ज्यू बणयूं रौन्दु।

इब्रानी 2:1

इलै जौं बातों तैं हमुन सुणी, ऊं सब बातों पर हमतै और भि जादा ध्यान देण चयेणु, ताकि हम सच्‍चै से दूर नि ह्‍वे जा।

याकूब 5:17

अर एलिय्याह रैबर्या भि त हम ही जन सभौ को मनखि छौ। अर वेन बड़ी आस लगै के प्रार्थना कैरी, कि बरखा नि हो। अर सढ़े तीन साल तक धरती पर बरखा नि ह्‍वे।

2 यूहन्ना 1:4

अर मितैं यू जाणि के भौत खुशी होन्दी कि तेरा कुछ बच्‍चा सच्‍चै का बाटा पर चलणा छिन, ठिक उन्‍नि जन कि हमतै पिता परमेस्वर की तरफा बटि आज्ञा मिली छै।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।