2 कुरिन्थि 6:9 - Garhwali

⁹ अर कुछ लोग अच्छे से जणदिन कि हम परमेस्वर का सच्‍चा सेवक छां, मगर कुछ लोग ईं बात तैं स्वीकार नि करदिन। अर कई बार लोगु न हमतै मरणे की कोसिस कैरी, मगर हम अभि भि ज्यून्दा छां। अर कई बार हमतै भौत पीटे गै मगर हम फिर भि नि मुरयां।

गढवली नयो नियम

⁹ कुछ लोग हम तैं प्रसिद्ध समझदींनि, पर कुछ लोग हम तैं अनजान समझदींनि; हम मुरण वलो जन छा अर फिर भि देखा ज्यून्दा छा; मार खांण वलो का जन छा पर जान से नि मरै जंदींयां।

2 कुरिन्थि 6:9 ပူးပေါင်းရင်းမြစ်များ

खास चेलों 17:18

अर ये नगर मा इपिकूरी अर स्तोईकी नौ का दुई ज्ञानी दल छा, अर यों दलों मा बटि कुछ लोग पौलुस बटि मिलिनी। अर ऊं बटि कुछ लोगु न बोलि, “यू कचर-कचर करण वळु मनखि क्या च बोन्‍नु?” दुसरो न बोलि, “अरे यू त पता नि कौं द्‍यबतों का बारा मा बतौणु च।” (अर या बात त ऊंन इलै बोलि, किलैकि पौलुस यीशु का बारा मा, अर मुरदो मा बटि मा ज्यून्द होण का बारा मा बतौणु छौ)।

खास चेलों 19:26

अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 25:19

पर ऊंको वाद-विवाद को खास मुद्‍दा ऊंका धरम का बारा मा, अर यीशु नौ का कै मनखि का बारा मा छौ, जु कि मोरि गै छौ अर पौलुस बोन्‍नु छौ कि उ ज्यून्दु च।

खास चेलों 25:26

मगर येका बारा मा ठिक-ठिक लिखणु खुणि मि मा कुछ खास बात नि छै, कि मि महाराजा खुणि लिखुं। इलै मि ये मनखि तैं तुम सभ्यों का समणि अर खास कैरिके राजा अग्रिप्पा का समणि लेके अयूं, ताकि येकी जाँच-पड़ताल करण का बाद मितैं येका बारा मा लिखणु खुणि कुछ मिली सैको।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 8:36

अर जन की पवित्रशास्‍त्र मा भि लिख्यूं च कि, “त्वे खुणि हम हरेक बगत मौत का खतरा मा रौन्द्‍यां, अर हम त बलिदान का रुप मा चड़ये जाण वळी भेड़ का जन छां।”

1 कुरिन्थि 11:32

मगर प्रभु हमतै इलै दण्ड देन्दु, ताकि हमरा जीवन मा सुधार हो, अर न्याय का दिन मा हम ईं दुनियां का लोगु का दगड़ा मा दोषी ठैरि के दण्ड नि पा।

1 कुरिन्थि 15:31

हे मेरा भै-बैंणो, मि कै दिन भि मोरि सकदु, मगर मि कसम खै के बुल्दु कि तुमरि खातिर मेरु मोन भौत बड़ु होन्दु, किलैकि तुम हमरा प्रभु यीशु मसीह पर बिस्वास करद्‍यां, इलै मि कसम खै के बुल्दु कि मितैं हरेक दिन मौत को सामना कन पोड़दु।

1 कुरिन्थि 4:9

मगर हम लोग अभि तक धरती का राजा नि बणयां। मितैं त इन लगदु, कि हम खास चेलों तैं पिता परमेस्वर न इन्द्रयो मनखि बणयूं च, जौं की हालत दुनियां का सब लोगु मा बटि सबसे जादा खराब च। हम त वु लोग छां जौं कि बुरै ही किये जान्दी अर तमसो बणयै जान्दु। अर यू सब त इलै च किलैकि पिता परमेस्वर न हमतै खास चेला का रुप मा चुण्यालि, जौं खुणि मौत की आज्ञा ठैरैईं च, इलै हम दुनियां का लोग खुणि अर स्वर्गदूतों खुणि एक तमसो बणि ग्यां।

2 कुरिन्थि 11:6

अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

2 कुरिन्थि 5:11

अर हम जणदा छां कि पिता परमेस्वर पर अपणी पूरि सरदा रखण को मतलब क्या च, इलै ही हम लोगु तैं सच्‍चै का बारा मा बतौन्द्‍यां ताकि वु भि सच्‍चै तैं स्वीकार कैरी सैका। अर परमेस्वर ईं बात का बारा मा जणदु च, अर मितैं पूरि उम्मीद च कि तुम भि वांका बारा मा खूब अच्छे से जणद्‍यां।