2 कुरिन्थि 6:6 - Garhwali

⁶ अर हम पवित्र जीवन जीण की कोसिस करद्‍यां, अर विरोध होण का बाद भि सबर अर समझ रखी के एक-दुसरा पर दया करद्‍यां। अर पवित्र आत्मा का द्‍वारा सब लोगु से सच्‍चु प्यार करद्‍यां,

गढवली नयो नियम

⁶ पवित्रता मा, ज्ञान मा, धीरज मा, दयालुता मा, पवित्र आत्मा की आज्ञा मनणु का द्वारा सच्चा प्रेम मा,

2 कुरिन्थि 6:6 ပူးပေါင်းရင်းမြစ်များ

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 13:4

अर जु मनखि दुसरो बटि प्यार करदु वेका भितर सबर, दया अर दुसरा लोगु से प्यार करण को गुण होन्दु। इन्द्रयो मनखि नऽ त दुसरा लोग तैं देखि के जळतेन्दु, नऽ त डींग मरदु, अर ना ही उ बड़ु मोन करदु।

1 कुरिन्थि 2:16

अर जन कि पवित्रशास्‍त्र मा लिख्यूं च कि, “कु च वु मनखि जु कि प्रभु का मन तैं जाणि सकदु? अर कु च वु जु कि वेतैं सला दे सकदु?” मगर हम यों बातों तैं इलै बिंगद्‍यां, किलैकि हम मा मसीह को मन च।

1 कुरिन्थि 2:4

अर वे बगत जु वचन मिन बोलि या परचार कैरी, उ ऊंका जन नि छौ जु कि अपणी बातों का द्‍वारा लोगु का मनों तैं अफ जनै कैरी देन्दिन, मगर मिन तुमतै पवित्र आत्मा का द्‍वारा सब सच्‍चि बात ही बतैनि।

2 कुरिन्थि 1:23

अर मि तुमतै बतै देन्दु कि मि तुमरा पास कुरिन्थि नगर मा इलै नि औंऽऽ, ताकि तुम मेरी फटकार से बचि जा, अर या बात सच्‍च च अर यां को गवा पिता परमेस्वर च।

2 कुरिन्थि 11:11

अर इन मि इलै बोन्‍नु छौं किलैकि मि तुम से भौत प्यार करदु, अर ईं बात का बारा मा पिता परमेस्वर भौत अच्छे से जणदु।

2 कुरिन्थि 11:4

अर मि तुमतै चितै देन्दु कि तुमरा बीच मा कुछ इन्द्रया लोग ऐ गैनी, जु कि यीशु मसीह का बारा मा कुछ अलग ही शिक्षा देणा छिन, ज्वा कि हमरि दिईं शिक्षा से बिल्कुल अलग च। अर वे बगत मा तुमुन हमरा द्‍वारा शुभ समाचार तैं सुणी अर पवित्र आत्मा तैं पै, मगर अब तुम कै दुसरा ही रैबार तैं सुनणु खुणि अर कै दुसरा ही आत्मा तैं पौणु खुणि तयार होयां छाँ।

2 कुरिन्थि 11:6

अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 13:10

अर यू सब कुछ मि तुम खुणि इलै लिखणु छौं, किलैकि अभि मि तुम से दूर छौं, अर जब मि तुमरा पास औलु त कखि मितैं अपणा अधिकार को इस्तेमाल सख्‍तै से नि करण पोड़ो। अर हमरा प्रभु यीशु न मितैं यू अधिकार दियूं च कि मि तुम खुणि बिस्वास मा आसीस की वजा बणु, ना कि उतेडु़ को।

2 कुरिन्थि 2:10

अर अभि तक जु कुछ भि मिन बोलि तुमुन वेका मुताबिक ही कैरी, इलै अब तुम वे आदिम तैं माफ कैर द्‍या, किलैकि मिन भि वेतैं माफ कैरियाली। अर अगर कैन भि कुछ बुरु काम कैरी, त हमरु फरज बणदु च कि हम ऊंतैं माफ कैरा अर इन हमतै यीशु मसीह की वजै से करण चयेणु, किलैकि वेन हमतै माफ कैरी। अर यू सब कुछ मि तुमरि भलै खुणि ही बोन्‍नु छौं।

2 कुरिन्थि 2:4

अर जब मिन तुम खुणि पैलि चिठ्‍ठी लिखी छै, त वे बगत मि अपणा मन मा भौत परेसान अर दुखी छौ, अर रुवे-रुवे के वा चिठ्‍ठी मिन तुम खुणि लिखीं छै। अर मिन अपणी पैलि चिठ्‍ठी तुमतै दुख देणु खुणि नि लिखी छै, बल्किन मा ईं बात तैं याद दिलौणु खुणि लिखी छै कि मि तुम से कथगा प्यार करदु।

2 कुरिन्थि 3:3

अर या बात सच्‍च च कि तुम लोगु का जीवन बदलि गैनी, इलै अब से तुम लोग यीशु मसीह की एक चिठ्‍ठी की तरौं छाँ जौं तैं हमरा द्‍वारा बंटे गै। अर तुमतै कै कलम या स्याई का द्‍वारा ढुंगो की पाटि पर नि लिखे गै, बल्किन मा तुमतै त पवित्र आत्मा का द्‍वारा लिखे गै जु कि तुमरा दिलों मा च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

2 कुरिन्थि 7:2

हे मेरा दगड़्यों, हमतै अपणा दिलों मा जगा द्‍या किलैकि हमुन कै का दगड़ा मा कुछ बुरु नि कैरी, अर ना ही कै को कुछ बिगाड़ि। अर ना ही हमुन कै को फैदा उठे।

गलातियों 3:2

अर मि तुम बटि बस इथगा पूछण चाणु छौं, कि तुमुन पिता परमेस्वर का द्‍वारा दियां पवित्र आत्मा का दान तैं, मूसा का दियां नियम-कानूनों का कामों का मुताबिक पै, या शुभ समाचार पर बिस्वास कैरिके?

गलातियों 3:5

अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

इफिसुस 3:4

अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

इफिसुस 4:32

पर एक-दुसरा पर दया दिखा अर मयळु बणा, अर जन परमेस्वर न यीशु मसीह का द्‍वारा तुमरा पापों तैं माफ कैरी, ठिक उन्‍नि तुम भि मयळु बणि के एक-दुसरा का पापों तैं माफ कैरा।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 2:3

किलैकि वेमा ही अकल अर ज्ञान का सब खजाना छिप्यां छिन।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

1 थिस्सलुनीकी 2:10

अर ईं बात का तुम खुद ही गवा छां, अर परमेस्वर भि गवा च कि तुम बिस्वासी लोगु का बीच मा हमरु व्यौहार पवित्र, धरमी अर निरदोष छौ

1 तीमुथियुस 4:12

हे तीमुथियुस, अभि तू ज्वान छैई, अर कुई भि तेरी ज्वानी तैं सुद्‍दी नि समझु। इलै तू बोन्‍न मा अर अपणा चाल चलण मा, प्यार करण मा, अर तेरा खुद का बिस्वासी जीवन मा, अर पवित्र जीवन जीण मा बिस्वासी लोगु खुणि तू एक नमूना बणि जा।

2 तीमुथियुस 3:10

प्रिय तीमुथियुस, तू मेरा चाल-चलन, मेरा मकसद, अर मेरा बिस्वास का बारा मा जणदी ही छैई। अर मि कन्द्रयो प्यार करदु, अर मेरी सौणे की ताकत, अर मेरा सबर रखण का बारा मा त्वेतै पता ही च। अर तू इन भि जणदी छैई, कि लोगु न मितैं सतै अर कन-कन दुख-तकलीफ दिनी।

तीतुस 2:7

अर तीतुस, तू खुद हर बात मा ऊंतैं एक अच्छु उदारण बणि के दिखौ। अर जै उपदेस तैं तू सिखैली, वामा तू गम्भीर अर खरु हो,

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।