2 कुरिन्थि 6:13 - Garhwali

¹³ अर जन एक बुबा अपणा बच्‍चा से प्यार करदु ठिक उन्‍नि मि भि तुम से प्यार करदु, अर क्या तुम भि मिसे इन्‍नि प्यार करद्‍यां?

गढवली नयो नियम

¹³ पर अपड़ा बच्चा समझी के तुम बट्टी बुल्णु छो, कि तुम भि ऊंका बदला मा अपड़ा पूरा दिल से प्रेम कैरा।

2 कुरिन्थि 6:13 ပူးပေါင်းရင်းမြစ်များ

मरकुस 11:24

इलै मि तुम बटि बोन्‍नु छौ कि जु कुछ भि तुम प्रार्थना मा मंगिल्या, त इन बिस्वास कैरा कि वु तुमतै मिली गै, अर सुणा, वु तुमतै मिली जालु।

गलातियों 4:12

हे मेरा बिस्वासी भै-बैंणो, तुम जु यहूदी जाति का नि छाँ तुमुन मेरु कुछ नि बिगाड़ि, अर मि एक यहूदी होण का बाद भि तुम लोगु खुणि तुमरि तरौं ही ह्‍वे ग्यों, पर अब मि तुम बटि बिन्ती करदु कि तुम मसीह जीवन मा अब मि जन ह्‍वे जा।

गलातियों 4:19

हे मेरा बच्‍चों, मि तुम खुणि फिर से परसव जन पीड़ा सौंणु छौं। अर या पीड़ा तब तक राली, जबरि तक मसीह को रुप तुमरा भितर फिर से बणि के तयार नि ह्‍वे जौ।

1 थिस्सलुनीकी 2:11

तुम अच्छी तरौं से ही जणद्‍यां कि जन बुबा अपणा नौनो तैं हिम्मत अर दिलासा देन्दु, ठिक उन्‍नि प्यारु व्यौहार हम भि तुमरा दगड़ा मा रखद्‍यां, ताकि तुमरो चाल-चलन परमेस्वर तैं पसन्द औण वळु हो। अर वु ही च जु कि तुमतै अपणा राज को सदस्य बणाणु खुणि अर अपणी महानता को भागी होणु खुणि बुलान्दु।

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।

1 यूहन्ना 3:7

हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।

3 यूहन्ना 1:4

अर जब मि इन सुणदु, कि मेरा बच्‍चा सच्‍चै का बाटा पर चलणा छिन, त मितैं ईं बात से जादा खुशी और कैं दुसरि बात मा नि मिलदी।