2 कुरिन्थि 5:16 - Garhwali

¹⁶ हे मेरा भै-बैंणो, हम कै भि मनखि का बारा मा इन नि सोचद्‍यां, जन कि ईं दुनियां का लोग सोचदिन। पैलि हम लोगु न भि यीशु मसीह का बारा ठिक उन्‍नि सोची छौ जन कि ईं दुनियां का लोग सोचदिन, मगर अब हम वेका बारा मा इन नि सोचद्‍यां।

गढवली नयो नियम

¹⁶ इलै अब बट्टी हम कै तैं भि सांसारिक नजरिया का ढंग पर न्याय नि कैरा, अर जु हम ल मसीह तैं भि देह का अनुसार जांणि छो, त अब बट्टी वे तैं इन नि जंणुला।

2 कुरिन्थि 5:16 ပူးပေါင်းရင်းမြစ်များ

मत्ती 10:37

“अगर कुई मनखि अपणा ब्वे-बाब तैं मिसे जादा प्यार करदु, त वु मेरु चेला होण का लैख नि च। अर ठिक उन्‍नि अगर कुई अपणा नौना या नौनि तैं मिसे जादा प्यार करदु, त उ भि मेरु चेला होण का लैख नि च।

यूहन्ना 15:14

“अर अगर जु तुम मेरी आज्ञाओं का मुताबिक चलिल्या, त तुम मेरा दगड़्या छाँ।

यूहन्ना 2:4

तब यीशु न वींकू बोलि, “हे माँ, मिकू अभि नि बोला की मिन क्या करण, किलैकि अभि मेरु बगत नि ऐ।”

यूहन्ना 6:63

अर जीवन देण वळु त परमेस्वर को आत्मा च, पर सरील बटि कुई फैदा नि होन्दु। अर जु बात मिन तुम मा बुलिनी, वु सब परमेस्वर की आत्मा बटि अईं छिन, अर जीवन देण वळी भि छिन।

यूहन्ना 8:15

अर तुम दुनियां की रीति का मुताबिक न्याय करद्‍यां, पर मि कै को न्याय नि करदु।

2 कुरिन्थि 11:18

अर भौत सा लोग त इन छिन जु कि अपणी बातों पर बड़ु मोन करदिन, त मि भि अपणी बातों पर बड़ु मोन करलु।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

फिलिप्पी 3:4

पर मि त अपणा सरील पर भि भरोसा रखी सकदु। अर मि त इन्द्रया लोगु से जादा भरोसा रखी सकदु, जु कि अपणा खतना करौण की बात पर बड़ु मोन करदिन।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।